Gwesty’n gwahardd staff rhag siarad Cymraeg

Diweddarwyd  


Ieuan Wyn Jones, arweinydd Plaid Cymru
 Mae arweinydd Plaid Cymru, Ieuan Wyn Jones, wedi beirniadu gwesty ym Môn am wahardd ei staff rhag siarad Cymraeg gyda’i gilydd.

Cafodd staff cegin Gwesty Carreg Môn yn Llanfairpwll lythyr gyda’u slip cyflog ddiwedd y mis diwethaf yn eu gwahardd rhag siarad Cymraeg yn y gegin “am resymau diogelwch”.

Dywed y llythyr oddi wrth reolwr cyffredinol y gwesty, Ruth Hogan:

“Y prif gogydd, Bob Marsall, sy’n gyfrifol am y gegin, ac nid yw’n siarad nac yn deall Cymraeg; er mwyn i’n gwesty gael ei redeg mewn dull effeithlon a phroffesiynol mae’n holl bwysig fod pawb o’r staff yn deall ei gilydd.”

Mae hyn yn gwbl annerbyniol, yn ôl Ieuan Wyn Jones, sy’n ceisio cael ei ailethol fel Aelod Cynulliad dros Ynys Môn.

“Mi fyddaf i’n gofyn i’r gwesty ailystyried,” meddai. “Mi ddylai fod gan bobl yr hawl i siarad Cymraeg efo’i gilydd.”

Ychwanegodd ei fod yn ffyddiog y bydd y ddeddf iaith newydd, a ddaw i rym y flwyddyn nesaf, yn amddiffyn rhyddid pobl i siarad Cymraeg yn y gwaith.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones