Cefnogaeth Plaid Cymru yn syrthio

 


Ieuan Wyn Jones, arweinydd Plaid Cymru
Mae Plaid Cymru wedi dweud nad ydyn nhw’n pryderu, wrth i bolau piniwn ddangos bod eu cefnogaeth ar drai cyn Etholiadau’r Cynulliad.

Llai nag wythnos ar ôl cynhadledd y blaid yng Nghaerdydd, mae pôl piniwn newydd gan YouGov yn awgrymu bod eu cefnogaeth wedi syrthio 2% ers y mis diwethaf.

Dim ond 17% o bobol oedd yn bwriadu pleidleisio dros Blaid Cymru yn yr etholaethau, yn ôl YouGov.

Roedd eu cefnogaeth yn y bleidlais ranbarthol hefyd wedi syrthio 2%, o 18% i 16%.

“Mae polau piniwn yn mynd lan a lawr,” meddai llefarydd ar ran y Blaid. “Rydyn ni’n ffyddiog y bydd pobol yn sylweddoli fod yr angen egni a’r uchelgais ar y llywodraeth Gymreig nesaf er mwyn hybu’r economi a gwella addysg.

“Dim ond Plaid sydd â’r uchelgais hwnnw, a’n swyddogaeth ni dros yr wythnosau nesaf fydd dangos i Gymru mai dim ond Llywodraeth Plaid Cymru sydd â’r syniadau i drawsnewid Cymru dros y blynyddoedd nesaf.”

Llafur ar y blaen

Yn ôl y pôl piniwn diweddaraf a gomisiynwyd gan ITV Cymru, mae Llafur ar y blaen, ar 47% yn yr etholaethau a 45% yn rhanbarthol.

“Beth sy’n taro rhywun ydi bod y pleidiau eraill wedi cynnal cynadleddau dros y mis diwethaf sydd wedi denu llawer iawn o sylw, ond dydyn nhw heb ennill unrhyw gefnogaeth,” meddai llefarydd ar ran y Blaid Lafur.

“Ni fydd pobol Cymru yn cael eu twyllo gan addewidion gwag. Maen nhw’n gwybod mai dim ond Carwyn Jones a Llafur wneith amddiffyn Cymru.”

Mae’r Ceidwadwyr yn ail ar 21% a 20%, tra bod y Democratiaid Rhyddfrydol yn bedwerydd ar 8% a 8%.

Fe fydd Cymru yn pleidleisio ar 5 Mai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn