Neil McEvoy eisiau arwain Plaid Cymru? Sïon cyn cynhadledd

Diweddarwyd  


Neil McEvoy AC
Mae Neil McEvoy yn gwadu’n llwyr bod ganddo unrhyw fwriad i herio Leanne Wood am arweinyddiaeth Plaid Cymru – er bod sïon i’r gwrthwyneb yn dew yn y dref lle mae cynhadledd flynyddol y blaid yn cael ei chynnal fory a thrennydd.

Mae mwy nag un aelod blaenllaw o Blaid Cymru wedi dweud wrth golwg360 bod yr Aelod Cynulliad sydd ar hyn o bryd wedi’i wahardd o grwp y blaid yn y Cynulliad, yn cynnal cyfarfod fory i “lawnsio ei ymgyrch” yn erbyn Leanne Wood.

Ac mae golwg360 wedi cael cadarnhad gan Westy’r Celt yn nhref Caernarfon bod ystafell wedi’i llogi yn enw Neil McEvoy fory, ar gyfer cyfarfod dan y teitl ‘20:20 Vision – A Clear Vision for Plaid’. Ar yr un pryd, fe fydd cynadleddwyr yn cyfarfod yng nghanolfan gelfyddydol Galeri, 500 llath i ffwrdd.

Ond mae Neil McEvoy ei hun yn chwerthin am ben y straeon sy’n awgrymu ei fod â’i fryd ar fod yn arweinydd nesaf Plaid Cymru. Er ei fod wedi’i wahardd o grŵp Cynulliad Plaid Cymru am achosi “aflonyddwch” mae’n parhau i fod yn aelod o’r blaid.

“Nonsens llwyr”

“Mae’r si yn nonsens llwyr, gant y cant,” meddai Neil MvEvoy wrth golwg360. “Mae hynna’n chwerthinllyd, yn ddoniol a dweud y gwir. Dw i ddim jest yn gwadu’r peth, dw i’n chwerthin.

“Dw i ond eisiau gwneud yn siŵr bod y wleidyddiaeth yn iawn,” meddai wedyn. “Dyna nod y drafodaeth yn y gynhadledd.”

Mae golwg360 wedi ceisio cysylltu â Leanne Wood hefyd am ymateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?