RSS

Golwg360

MwyCau 

Neil Hamilton yn herio’r Blaid i ymuno ag UKIP

Hydref 7, 2017 09:06


Mae arweinydd UKIP yn y Cynulliad, Neil Hamilton wedi galw ar Blaid Cymru i’w hymuno drwy alw am bleidlais o ddiffyg hyder yn y Llywodraeth.

Dywedodd UKIP fod Plaid Cymru bellach “nôl yn esgus bod yn wrthblaid go iawn” ar ôl i Leanne Wood gyhoeddi ei bod y dod â chytundeb gyda’r Blaid Lafur i ben.

Mewn datganiad, fe wnaeth Neil Hamilton ailadrodd sylw ymfflamychol a wnaeth yn y Senedd dros flwyddyn yn ôl, drwy ddweud bod Kirsty Williams, y Rhyddfrydwraig sydd yng Nghabinet Llywodraeth Cymru, a Leanne Wood yn “harîm gwleidyddol Carwyn [Jones].”

Ar y pryd, cafodd ei feirniadu’n llym am ddefnyddio iaith rywiaethol.

Plaid Cymru – “gwrthblaid go iawn”?

Yn y datganiad, dywedodd, drwy gyhoeddi diwedd y compact â’r Llywodraeth, fod Leanne Wood yn “gobeithio y bydd pleidleiswyr yn anghofio rôl Plaid ym methiannau Llafur Cymru.”

“Y cwestiwn nawr yw p’un a fydd Plaid yn profi ei bod yn wrthblaid go iawn; drwy ymuno ag UKIP a phleidiau eraill mewn pleidlais o ddiffyg hyder yn y llywodraeth Lafur ofnadwy hon, sydd wedi gwanhau Cymru i fod y lle tlotaf yn y Deyrnas Unedig.”

Mae golwg360 wedi gofyn am ymateb gan Lywodraeth Cymru a Phlaid Cymru.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.