‘Gwaed a syniadau newydd’ yn Y Cymro

Diweddarwyd  


Mae grŵp o bobol sy’n ceisio atgyfodi papur newydd
Y Cymro yn gobeithio cyflwyno rhifyn prawf i Gyngor Llyfrau Cymru o fewn y mis nesaf.

Er nad yw Iestyn Jones,  colofnydd i’r wythnosolyn am 12 mlynedd ac aelod o’r grŵp ‘Cyfeillion Y Cymro’, yn fodlon datgelu beth fydd yn rhan o’r rhifyn “moc-yp” – mae’n dweud fod “lot o syniadau newydd” ynddo.

Dywed fod tipyn o “waed newydd” hefyd yn rhan o’r grŵp, a hynny ar ôl cael “adborth positif dros yr haf” pan wnaethon nhw lansio eu hymgyrch godi arian ar faes y brifwyl ym Môn fis Awst.

Panel grantiau

“Y gobaith rŵan ydi y cawn ni adborth positif gan y Cyngor Llyfrau,” meddai Iestyn Jones gan esbonio y byddan nhw’n cyflwyno eu syniadau gerbron y panel grantiau o fewn yr wythnosau nesaf.

Cadarnhaodd R Arwel Jones, Pennaeth Adran Grantiau Cyhoeddi’r Cyngor Llyfrau, y bydd y Panel Grantiau Cymraeg yn cwrdd ym mis Tachwedd, a’u bod yn disgwyl derbyn manylion gan y grŵp cyn hynny.

Fe gafodd papur newydd wythnosol Y Cymro, a gafodd ei sefydlu yn 1932, ei gyhoeddi diwethaf ym mis Mehefin eleni.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed