RSS

Golwg360

MwyCau 

“Cheshire by the Sea” ydi Pen Llŷn, yn ôl rhaglen Channel 4

Medi 13, 2017 07:28 Diweddarwyd am 14:15


Mae pennod o raglen ar
Channel 4 sydd yn dilyn cwpwl o Loegr yn chwilio am dai haf ym Mhen Llŷn, wedi ennyn ymateb chwyrn ar gyfryngau cymdeithasol.

Cafodd clipiau o’r bennod eu uwch lwytho ddydd Sul (Medi 10) a hyd yma mae 90 o bobol wedi ymateb a 40 sylw wedi eu gadael.

Mae’r clipiau o raglen A Place in the Sun: Home or Away wedi llwyddo corddi yn bennaf oherwydd y ffordd y mae’r gyflwynwraig yn cyfeirio at y penrhyn.

Mewn un clip mae’r cyflwynydd yn nodi: “Mae tai ar Benrhyn Llŷn yn boblogaidd â phobol sydd ar ei gwyliau, yn enwedig Caer a Manceinion. Felly, yn aml caiff ei alw’n Cheshire by the Sea.”

Mae’r gyflwynwraig ynghyd â’r cwpwl yn ymweld â nifer o leoliadau o Aberdaron i fwthyn traddodiadol yn Rhiw, ac ar un adeg yn cymharu galw’r penrhyn yn “Land’s End of Wales.”

“Codi cwestiynau”

Yn ôl awdur y post, Iola Wyn, er bod y rhaglen yn ddigon diniwed, mae’n codi “cwestiynau mawr” am y diwydiant tai haf yng Nghymru.

“Mae’n codi cwestiynau mawr sydd angen ei drafod bellach, ynglŷn â mewnfudo i ardaloedd Cymraeg,” meddai wrth golwg360.

“Pwnc dyw gwleidyddion ddim yn cyffwrdd ag o ar hyn o bryd gan ei bod nhw’n meddwl ei fod yn rhy sensitif. Pwnc fyddai’n gallu bod yn fêl ar fysedd rhai gwleidyddion sydd yn wrth-Gymraeg…

“Dyw hi ddim yn ddu a gwyn. Mae angen asesiad realistig o’r sefyllfa yma. Faint o dai haf sydd yn ein bröydd Cymraeg ni erbyn hyn?”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.