Heddlu’n derbyn cwyn am “fflôt hiliol” carnifal Aberaeron

Diweddarwyd am  


Aberaeron
Mae Heddlu Dyfed-Powys wedi cadarnhau wrth golwg360
eu bod nhw wedi derbyn cwyn am fflôt ‘hiliol’ yng ngharnifal Aberaeron ddydd Llun.

Roedd pryderon wedi’u codi yn dilyn y digwyddiad blynyddol ar ôl i fflôt ail-greu golygfa allan o’r ffilm Cool Runnings, a nifer o bobol wedi lliwio’u hwynebau’n ddu.

Mae’r ffilm yn trafod hanes pedwar o gystadleuwyr bobsledio o Jamaica sy’n ceisio cyrraedd Gemau Olympaidd y gaeaf yn erbyn y ffactorau.

‘Ffieiddio’

Mewn neges ar Facebook, dywedodd Dinah Mulholland, ymgeisydd y Blaid Lafur yng Ngheredigion yn yr etholiad cyffredinol eleni, ei bod hi “wedi ffieiddio” o weld y fflôt.

Roedd hi wedi galw ar Elizabeth Evans, cynghorydd lleol Aberaeron tros y Democratiaid Rhyddfrydol, i gondemnio’r weithred.

“Sut ar wyneb y ddaear all hyn fod wedi cael ei dderbyn, neu fod yn gyfreithlon, gan drefnwyr y carnifal?” meddai ar Facebook.

Heddlu

Pan ofynnodd golwg360 am gadarnhad bod cwyn wedi cael ei chyflwyno, dywedodd llefarydd: “Derbyniodd Heddlu Dyfed-Powys gwyn o ddigwyddiad casineb honedig, a ddigwyddodd yng Ngharnifal Aberaeron ddydd Llun, Awst 28.

“Roedd un o’r cystadleuwyr ym mharêd y carnifal yn cael ei ystyried yn un hiliol.

“Mae swyddogion lleol yn cynnal ymchwiliad.”

Dyw’r trefnwyr ddim wedi gwneud sylw hyd yn hyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd