Katherine Jenkins ar frig siart chwarter canrif Classic FM

 


Katherine Jenkins
Y gantores o Gastell-nedd, Katherine Jenkins, sydd wedi dod i’r brig mewn siart arbennig gan yr orsaf radio Classic FM yn olrhain cerddoriaeth glasurol gorau’r chwarter canrif ddiwethaf.

Hi ddaeth i’r brig fel yr artist clasurol sydd wedi gwerthu gorau, a hynny wedi iddi werthu mwy na 2.7 miliwn o albymau ar siart Classic FM.

Daeth dau o’i halbymau, Living a Dream a Second Nature ymysg deg uchaf rhestr albwm clasurol gorau’r orsaf.

Er hyn, cerddoriaeth y ffilm Titanic wedi’i gyfansoddi gan James Horner enillodd albwm clasurol gorau’r 25 mlynedd diwethaf.

Cafodd y siart ei gynnal i ddathlu 25 mlynedd ers sefydlu’r orsaf radio glasurol, ac fe gafodd y rhestr ei chyhoeddi dros benwythnos gŵyl y banc.

 

Y Cymry’n cipio’r siart

Roedd saith o albymau’r ugain uchaf yn rhai gan gantorion a chyfansoddwyr o Gymru, ac roedd chwech o’r ugain uchaf o artistiaid wnaeth werthu orau hefyd yn dod o Gymru.

Mae’r rhain yn cynnwys Charlotte Church, Côr Meibion y Fron, Bryn Terfel, Aled Jones a Karl Jenkins.

“Mi oeddwn i’n 12 oed pan gafodd Classic FM ei sefydlu felly dw i’n teimlo ein bod wedi tyfu i fyny gyda’n gilydd,” meddai Katherine Jenkins.

“Gyda chymaint o ffrindiau a chydweithwyr ar y rhestr, mae cael fy enwi fel yr artist rhif un ar Classic FM am 25 mlynedd yn rhywbeth y byddaf yn ei drysori am byth,” meddai wedyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd