Agwedd Banc Lloyds at y Gymraeg yn cythruddo Aelod Cynulliad

Diweddarwyd  


Mae Banc Lloyds wedi cythruddo’r Aelod Cynulliad dros Ddwyrain Abertawe, Mike Hedges ar ôl iddyn nhw wrthod dogfen Gymraeg.

Roedd ei ferch Catrin am agor cyfrif banc newydd fel myfyrwraig ar ôl cael ei derbyn i astudio Cymraeg a Cherddoriaeth ym Mhrifysgol Bangor.

Roedd ganddi gyfrif cyfredol gyda’r banc eisoes.

Ond gan fod ei llythyr UCAS yn Gymraeg, roedd cangen Abertawe o’r banc yn gwrthod ei dderbyn fel dogfen er mwyn agor y cyfrif newydd.

‘Polisi’

Dywedodd Mike Hedges wrth golwg360 fod y banc wedi dweud wrtho mai eu polisi yw “peidio â derbyn dogfennau yn Gymraeg”, a bod rhaid cyflwyno’r ddogfen yn Saesneg cyn y câi ei ferch agor y cyfrif newydd.

Y cam nesaf

Dywedodd nad yw ei ferch wedi gallu gwneud unrhyw beth eto tra bod ganddi’r llythyr yn Gymraeg yn unig.

“Roedd ei chais yn Gymraeg, ac felly mae’r llythyr i dderbyn y lle yn Gymraeg hefyd.”

Ond dywedodd ei fod yn bwriadu mynd â’r achos ymhellach.

“Dw i’n bwriadu mynd at y banc ac at Gomisiynydd y Gymraeg oherwydd, er nad yw banciau’n rhan o waith Comisiynydd y Gymraeg, dw i’n credu y dylai hi leisio ei barn.

“Dw i hefyd yn bwriadu mynd at Lywodraeth Cymru.”

Ymateb

Dywedodd llefarydd y byddai staff Lloyds yn derbyn canllawiau clir yn dilyn “dryswch”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd