Tafarn y Mochyn Du – perchnogion newydd yn addo “dwyieithrwydd”

Diweddarwyd  


Mae perchnogion newydd tafarn y Mochyn Du yng Nghaerdydd wedi ymrwymo i gynnal “cyswllt diwylliannol” y dafarn boblogaidd sydd ar gyrion Gerddi Soffia.

Ddoe, fe ddatgelodd golwg360 fod y Mochyn Du am gael ei werthu i’r cwmni cadwyn o Loegr, Brewhouse & Kitchen, gyda ffynhonnell yn mynegi pryder am yr effaith y gallai hynny ei gael ar Gymreictod y lle.

Ond mae Prif Swyddog Gweithredol y cwmni, Kris Gumbrell sy’n dod o Gaerdydd, wedi cadarnhau y byddan nhw’n sicrhau bod eu “harwyddion, cyhoeddiadau printiedig a’n gwefan i gyd yn ddwyieithog.”

“Ac eithrio ei lleoliad, un o rinweddau arbennig y busnes yw ei fod yn dafarn dwyieithog,” meddai am y dafarn a fu dan berchnogaeth Gareth Huws a Philip Snook.

‘Safon uchel’

Y Mochyn Du fydd tafarn cyntaf Brewhouse & Kitchen yng Nghymru tra bod ganddyn nhw 17 o dafarndai ar hyd a lled Lloegr gan gynnwys Bryste, Caer, Nottingham, Islington, Portsmouth a Southampton.

“Rydyn ni wedi bod yn edrych ar Gaerdydd am flynyddoedd lawer ac mae’n anodd dod o hyd i eiddo rhyddfraint o safon uchel yn y ddinas hon,” meddai Kris Gumbrell.

“Fel Cymro, rydw i’n edrych ymlaen at gyflwyno’r hyn a wnawn i’r farchnad fywiog ac unigryw hon; yn ogystal â bragu mwy o gwrw unigryw, byddwn yn anelu at gydweithio gyda rhai o fragwyr crefft lleol gwych sydd yn ardal y De,” meddai wedyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed