Gwerth £4.2m o grantiau i sefydliadau Cymraeg

Diweddarwyd am  


Mae 77 o sefydliadau ledled Cymru wedi cael cadarnhad heddiw y byddan nhw’n cael grant gan Lywodraeth Cymru i barhau â’u gwaith o hwyluso’r Gymraeg.

Mae cyfanswm y grantiau, ar y cyfan, yn aros yr un fath â’r llynedd gyda gwerth £4.2 miliwn yn cael ei ddosbarthu i sefydliadau ar gyfer 2017/18.

Bydd yr Eisteddfod Genedlaethol yn cael grant o £603,000; Cymdeithas Eisteddfodau Cymru’n cael £46,036; Merched y Wawr £84,205; CFfI Cymru £89,719; Urdd Gobaith Cymru £852,184 a Chymdeithas Cyfieithwyr Cymru £50,000.

Bydd ychydig o newid i gyfanswm grant y Papurau Bro wrth iddo ddisgyn o £88,880 i £87,810 a hynny ar sail y nifer o rifynnau sy’n cael eu cyhoeddi gan effeithio’n bennaf ar bapur bro Dan y Landsker.

Er hyn, mae Mentrau Iaith Cymru wedi gweld cynnydd o £100,000 i £110,000 yn eu grantiau nhw.

‘Lles yr iaith’

“Mae’r grantiau hyn yn cydnabod cyfraniad y sefydliadau hyn i les yr iaith yn y dyfodol,” meddai Alun Davies, Gweinidog y Gymraeg a Dysgu Gydol Oes.

“Rydw i wastad wedi credu nad cyfrifoldeb y Llywodraeth yn unig yw dyfodol y Gymraeg. Mae gan gyrff eraill, ar lefel genedlaethol a lleol, cymdeithasau, ysgolion, cyflogwyr, teuluoedd ac unigolion, bob un ei ran i chwarae,” meddai.

“Mae gan bob un ohonom ran i’w chwarae wrth ddatblygu dyfodol yr iaith, a bydd yr arian hwn yn gwneud llawer i’n helpu i wireddu ein huchelgais o gael miliwn o siaradwyr Cymraeg,” ychwanegodd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019