Cyngor Gwynedd yn trafod codi tâl ychwanegol ar ail gartrefi

Diweddarwyd am  


Traeth Abersoch yng Ngwynedd Llun: Wikimedia
Mae pryder y bydd cynnig i godi mwy o dreth cyngor ar ail gartrefi yng Ngwynedd yn golygu mai dim ond pobol sydd wedi ymddeol fydd yn medru fforddio prynu ail gartref yno, yn ôl ymgyrchydd iaith.

Dadl Dr Simon Brooks, sy’n byw ym Mhorth-y-Gest ger Porthmadog, yw y dylid codi’r dreth yn raddol er mwyn osgoi culhau’r farchnad dai a rhwystro pobol sydd ddim mewn oed ymddeol rhag prynu ail gartref yn y pentref.

Fe fydd aelodau cabinet Cyngor Gwynedd yn trafod y cynnig yn ddiweddarach heddiw ac yn ôl y cynlluniau, fe all bil treth gyngor perchnogion ail dai gynyddu o 50% o fis Ebrill 2018.

Ond mae Simon Brooks eisiau gweld y dreth yn codi yn raddol ac yn cael ei gosod ar 25% yn y lle cyntaf.

Mae golwg360 wedi gofyn i Gyngor Gwynedd am ymateb.

Pwrpas

Gan mai Gwynedd sydd a’r nifer fwyaf o ail gartrefi yn holl siroedd Cymru – sef bron i 5,000 – mae Simon Brooks yn pryderu y gall y dreth ychwanegol waethygu’r sefyllfa.

“Un diben yn unig sydd i drethu tai haf, sef tai i bobol leol. Er mwyn hynny, rhaid cyflwyno’r dreth yn raddol, er mwyn rhyddhau tai’n raddol,” meddai ar ei gyfrif trydar.

“Os ydi’r dreth yn rhy uchel a gormod o dai haf yn dod ar y farchnad tua’r un pryd, y canlyniad fydd darparu tai ar gyfer y farchnad ymddeol.

“Yma, yn Borth-y-Gest, tai i bobl leol sydd eisiau i adfywio’r pentref, nid rhagor o dai ymddeol, felly premiwm o 25% yn y lle cynta’, plîs.

Y dreth

Eisoes mae cynnig i godi trethi ar ail gartrefi yn Sir Benfro a Phowys, gyda’r cynghorau yn bwriadu cynyddu’r dreth o 50% o fis Ebrill 2018.

Cynnydd o 25% sydd ar y gweill ar Ynys Môn ac yng Ngheredigion, tra bod Conwy wedi cyhoeddi cynnydd o 100% – y lefel uchaf bosib.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer