Ewro 2016: Y gêm fawr wedi cyrraedd

Diweddarwyd am  


Cefnogwyr Cymru'n ymgasglu yn Le Palais des Congres yn barod i deithio ar fysus o Baris i Lens
Ar drothwy’r gêm fawr yn erbyn Lloegr heddiw, mae disgwyl miloedd o gefnogwyr Cymru a chefnogwyr y crysau gwyn i gyrraedd dinas Lens heddiw.

Mae’r gêm yn cael ei gweld fel un tyngedfennol, gyda buddugoliaeth yn golygu y bydd Cymru yn sicr o gael lle yn y rowndiau cynderfynol.

Mae angen o leiaf un fuddugoliaeth arall ar Gymru, neu ddwy gêm gyfartal yn Grŵp B i wneud hanes a chyrraedd rowndiau nesaf Ewro 2016.

Ar strydoedd dinas Lille, rhyw hanner awr o Lens, lle enillodd Slofacia yn erbyn Rwsia, cafodd saith o bobol eu harestio yn hwyr nos Fawrth, gan gynnwys grŵp o Rwsiaid oedd yn ceisio dechrau ffrae â chefnogwyr Lloegr.

“Tynnu coes” rhwng y Cymry a’r Saeson

Hyd yn hyn, dydy cefnogwyr Cymru ddim wedi bod mewn trafferthion gyda heddlu Ffrainc, a bu “tynnu coes” rhwng y Cymry a’r Saeson yn Lille, yn ôl Aled Swain, 24, o Bontypridd.

“Alla’i ddim aros tan y gêm. Dwi’n nerfus ac yn gyffrous… dwi’n teimlo y gallwn gael rhyw fath o ganlyniad i fod yn onest,” meddai.

“Bydd yr awyrgylch yn angerddol. Bydd y ddau dîm am ennill ond dwi ddim yn pryderu am unrhyw beth yn digwydd.”

Mae cefnogwyr sydd heb docynnau i weld y gêm yn cael eu hannog i beidio â theithio i Lens o gwbl, gyda Chymdeithas Bêl Droed Cymru yn awgrymu i bobol deithio i drefi cyfagos, Arras ac Amiens, yn lle.

Dywedodd un cefnogwr, Alun Price, 54, o Gasnewydd, sydd eisoes yn Arras, ei fod yn gobeithio teithio i’r gêm, “i weld Cymru’n ennill”, ac yna “gadael yn heddychlon fel bydd miloedd o gefnogwyr eraill am weld yn digwydd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones