Ewro 2016: Anfon rhagor o blismyn y DU i Ffrainc

Diweddarwyd am  


Cefnogwyr pel-droed Lloegr a Rwsia yn gwrthdaro yn Stade Velodrome, Marseille Llun: Owen Humphreys/PA Wire
Mae Llywodraeth San Steffan wedi cadarnhau heddiw y bydd rhagor o blismyn o’r Deyrnas Unedig yn cael eu hanfon i Ffrainc ar gyfer y gêm rhwng Cymru a Lloegr ddydd Iau.

Dywedodd yr Ysgrifennydd Cartref, Theresa May, y bydd Prydain hefyd yn darparu “pa bynnag gymorth plismona y mae Ffrainc yn gofyn amdano” fel rhan o bencampwriaeth Ewro 2016.

Daw’r cam yn sgil pryderon y bydd hanes trafferthion cefnogwyr Lloegr a Rwsia yn cael ei ailadrodd dros y dyddiau nesaf wrth i Gymru chwarae Lloegr yn Lens – a Rwsia’n chwarae Slofacia yn Lille, llai na 40km i ffwrdd.

Ychwanegodd Theresa May bod Pennaeth Cyngor Cenedlaethol yr Heddlu ar Bêl-droed yn cyfarfod â swyddogion Ffrainc heddiw i drafod pa gymorth sydd ei angen.

Dywedodd y bydd mwy o ddiogelwch yn y stadiymau hefyd yn dilyn beirniadaeth gan Gadeirydd y Gymdeithas Bêl-droed, Greg Dyke, a ddywedodd fod lefel y stiwardiaeth yn Marseille yn “annerbyniol.”

Er hyn, nid oedd yr Ysgrifennydd Cartref am ddatgelu faint yn union o swyddogion fyddai’n mynd i Ffrainc am “resymau gweithredol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones