Didcot: Atal y gwaith o chwilio am gyrff tri dyn

 


Gorsaf bŵer Didcot, yn Sir Rhydychen
Mae’r gwaith i geisio dod o hyd i gyrff tri dyn ar ôl i orsaf bŵer Didcot ddymchwel wedi cael ei atal.

Mae gweithwyr wedi bod yn chwilio’r rwbel yn Swydd Rhydychen ers i’r adeilad gwympo ar 23 Chwefror ond yn ôl perchenogion y safle, RWE npower, maen nhw bellach wedi cyrraedd safle sy’n rhy beryglus i barhau gyda’r chwilio.

Mae cynlluniau ar y gweill fel bod y chwilio yn gallu ail-ddechrau “mor gyflym ac mor ddiogel ag sy’n bosib” meddai llefarydd.

Y bwriad yw dod o hyd i gyrff y gweithwyr Chris Huxtable, 34, o Abertawe, Ken Cresswell, 57, a John Shaw, 61, y ddau o Rotherham yn ne Swydd Efrog, sydd wedi bod ar goll ers y digwyddiad.

Ychwanegodd y llefarydd eu bod yn “deall bod yr amser mae’n ei gymryd i ddod o hyd i’r dynion yn peri loes i’w teuluoedd ac rydym mewn cysylltiad â nhw. Ein blaenoriaeth yw dod o hyd i’w hanwyliaid mor fuan ac mor ddiogel â phosib.”

Cafodd gorsaf bŵer Didcot ei chau yn 2013 ac roedd yn y broses o gael ei dymchwel pan ddigwyddodd y ddamwain.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones