Galw am arian parod Cymreig

Diweddarwyd am  


Fe fydd y ddadl dros gynhyrchu arian parod sy’n benodol i Gymru yn cael ei wneud yn Nhŷ’r Cyffredin heddiw wrth i Fesur ar Fanc Lloegr gael ei ddarllen am yr ail dro yn y Senedd.

Mae’r Aelod Seneddol a llefarydd y Trysorlys ar ran Plaid Cymru, Jonathan Edwards, hefyd am weld newid enw Banc Lloegr i ‘Fanc Canolog y Bunt’ a gwneud y banc yn atebol i’r Cynulliad Cenedlaethol.

Bydd yn dadlau heddiw y dylai llywodraethant ac atebolrwydd y Banc Canolog adlewyrchu’r Deyrnas Unedig ddatganoledig, gan mai yn 1694 y cafodd Banc Lloegr ei greu.

Mae gan yr Alban a Gogledd Iwerddon eu harian papur ei hun yn barod a dywedodd Jonathan Edwards, y dylai Grŵp Bancio Lloyds, sydd â’r hawliau dros frand Banc Cymru, gael yr hawl i gyflwyno arian Cymreig.

‘Cenedl gyfartal’

Byddai cael arian Cymreig yn “rhoi hwb i gymeriad cenedlaethol Cymru, a’i chydnabyddiaeth fel cenedl gyfartal ac fel endid economaidd,” yn ôl yr Aelod Seneddol dros Ddwyrain Caerfyrddin a Dinefwr.

“Os gall yr Alban a Gogledd Iwerddon ei wneud, dylai ddim rheswm pam na all Gymru chwaith,” meddai.

“Rwy’n ceisio newid y Mesur hefyd fel bod llywodraethant, democratiaeth ac atebolrwydd Banc Lloegr yn cael ei newid i adlewyrchu realiti datganoli economaidd o fewn y DU.”

Galwodd hefyd ar i Gymru gael pleidlais ar y pwyllgor polisi ariannol sy’n pennu cyfraddau llog sy’n effeithio ar economi’r DU.

“Yn rhy aml, mae penderfyniadau yn cael eu gwneud yn Llundain, heb feddwl am Gymru na’r gwledydd eraill (yn y DU).”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn