Elis Dafydd yw Prifardd yr Eisteddfod

Diweddarwyd am  


Elis Dafydd yn y Gadair
Cerddi’r diweddar Iwan Llwyd oedd un o brif ysgogiadau gwaith Prifardd Eisteddfod yr Urdd Caerffili a’r Cylch, Elis Dafydd o Drefor ger Caernarfon.

Mae’r gŵr 22 oed yn astudio am radd MA ym Mhrifysgol Bangor ar hyn o bryd ac mae eisoes wedi dod yn ail am y Fedal Ddrama yn 2009.

Nid fo yw unig fardd y teulu, mae ei frawd Guto Dafydd wedi ennill y Goron yn yr Eisteddfod Genedlaethol y llynedd ac wedi cyhoeddi cyfrol farddoniaeth.

“Mae Iwan Llwyd wedi cael dylanwad mawr iawn arna i, fo yw fy hoff fardd. Fo hefyd yw prif ddylanwad y gerdd yma ond mae beirdd eraill yn ffeindio eu ffordd i mewn i gerddi eraill gen i,”meddai Elis Dafydd.

“Hon yw fy ngherdd wleidyddol gynta’ i. Cerddi llawer mwy personol fel cerddi serch yn aml iawn ydi beth dwi’n sgwennu fel arfer.

“Ond achos bod ‘Gwreichion’ Iwan Llwyd yn gerdd wleidyddol roeddwn i’n teimlo y dylai hon fod hefyd.”

Hoelio sylw

Ifan Prys a Mari George oedd beirniaid y gystadleuaeth ac roedd y ddau yn gytûn bod gwaith Elis Dafydd yn rhagori am ei fod yn “syml a diymdrech”.

Roedd gofyn i ymgeiswyr eleni gyfansoddi cerdd gaeth neu rydd heb fod dros 100 llinell ar y testun Gwreichion.

Wrth draddodi, dywedodd Ifan Prys: “Dyma’r dilyniant oedd y ddau ohonom ni eisiau ei ail ddarllen o’r dechrau. Mae gan y bardd glust dda am gerdd rydd ac mae’n hoelio sylw o’r dechrau.

“Nodir dyddiad a lleoliad uwchben pob un o’i gerddi gan fynd â ni yn ôl ac ymlaen o Fangor i Gaeredin rhwng ychydig ddyddiau cyn refferendwm annibyniaeth yr Alban a mis Chwefror 2015.  Amod o gariad yw’r gwreichion ac mae’r cariad hwn yn mynd a dod ac yn symbol o obaith / colli gobaith.

Elan Grug Muse o Aelwyd Dyffryn Nantlle ddaeth yn ail o dan y ffug enw Jiskřička, gyda Iestyn Tyne o Aelwyd Coleg Meirion Dwyfor yn drydydd o dan y ffug enw Parisien.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed