Dringwr Everest yn codi arian at apêl Nepal

Diweddarwyd am  


Y difrod wedi'r daeargryn yn Nepal
Fe fydd dringwr sydd wedi cyrraedd copa mynydd mwyaf y byd, Everest, yn adrodd hanes ei daith mewn noson ger pentref Y Felinheli i godi arian ar gyfer Apêl Daeargryn Nepal.

Bu Simon Hall, pennaeth Canolfan Gwasanaethau Hyfforddiant Mynydd, yn arwain tîm o wyth o ddringwyr i gopa Everest yn 2007.

“Bydd y rhai sy’n gyfarwydd â mynyddoedd yr Himalaya yn gwerthfawrogi fod cefnogaeth y Sherpas a phobol Nepal yn hanfodol i’r mwyafrif o deithiau,” meddai Simon Hall.

“Mae’r gymuned yma wedi dioddef daeargryn ofnadwy gyda chanlyniadau dynol trychinebus. Rydym yn gobeithio codi arian i Apêl Daeargryn Nepal y Groes Goch drwy rannu fy mhrofiadau ar Fynydd Everest gydag unrhyw un sy’n dymuno ymuno a ni nos Wener,” meddai.

‘Trychineb echrydus’

Mae’r digwyddiad yn cael ei gefnogi gan Gynghorydd Sir Y Felinheli, y Cynghorydd Sian Gwenllian, sydd yn helpu hyrwyddo’r digwyddiad:

“Mae pawb wedi cael eu cyffwrdd gan y trychineb erchyll sydd wedi taro cymunedau’r ardal effeithiwyd gan y ddaeargryn,” meddai.

“Mae wedi ein cyffwrdd ni yn bersonol fel teulu.  Dim ond 4 wythnos yn ôl bu fy mab a’i gariad ar daith i Basecamp Everest gan godi £9,000 i Ymchwil Canser Cymru. Wrth eu croesawu adref, doedd gennym ni ddim syniad fod y trychineb echrydus yma ar fin digwydd gan achosi cymaint o ddioddefaint.”

Mae o leiaf 7,300 o bobol wedi marw yn dilyn y daeargryn nerthol.

Cynhelir y noson ym Mhlas Menai am 7:00 nos Wener ac fe fydd cynrychiolwyr o’r Groes Goch yno i drafod eu hymdrechion i roi cymorth yn y wlad. Ni fydd  cost mynediad ond fe wahoddir cyfraniadau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones