PAWB: Ymgyrchwyr yn protestio ar Bont Menai

Diweddarwyd am  


Safle atomfa Wylfa Newydd, Ynys Môn
Fe fydd ymgyrchwyr gwrth-niwclear PAWB (Pobol yn erbyn Wylfa B) yn ymgynnull ar ochr Bont Menai’r bore yma i nodi bod pedair blynedd wedi mynd heibio ers trychineb niwclear Fukushima yn Japan.

Rhwng 8 a 9 o’r gloch, bydd yr ymgyrchwyr yn codi ymwybyddiaeth am beryglon ynni niwclear gan bwysleisio bod yr argyfwng yn parhau hyd heddiw.

Daw’r brotest wedi i gyn-Brif Weinidog Japan oedd mewn grym adeg trychineb Fukushima, Naoto Kan, ymweld ag Ynys Mon ar 26 Chwefror er mwyn gwrthwynebu cynllun i adeiladu atomfa Wylfa Newydd.

Bryd hynny, fe wnaeth arweinydd Cyngor Môn fynnu nad yw’r rhan fwyaf o gynghorwyr yr ynys yn cytuno â safbwynt Naoto Kan, ac y byddan nhw’n parhau i gefnogi atomfa newydd.

Trychineb

Dywed mudiad PAWB ei bod yn bwysig cofio am y 160,000 o bobol gafodd eu gorfodi i adael eu cartrefi yn ardal Fukushima er mwyn ffoi rhag yr ymbelydredd.

Fe wnaeth tswnami anferth ger arfordir Japan achosi ffrwydrad yng ngorsaf niwclear Fukushima Daiichi yn 2011 ond mae gweithwyr sy’n peryglu eu hiechyd yn parhau ar safle’r trychineb niwclear hyd heddiw.

Dywedodd llefarydd ar ran y mudiad: “Cefnoga PAWB alwad diweddar Naoto Kan ar lywodraeth Japan i beidio ag ailagor unrhyw orsafoedd niwclear yn y wlad honno, ac ar gorfforaeth Hitachi i beidio ag allforio’u technoleg niwclear i Ynys Mon.

“Yng ngeiriau Mr Kan, ‘Niwclear diogel yw dim niwclear. Nid yw’n werth mentro’.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer