Bar cerddoriaeth yn ail-agor – gyda gig

 


Tree of Wolves
Cafodd bar yng Nghaerfyrddin ei ail-lansio neithiwr yn dilyn ymgyrch leol i godi arian i gynnal y lleoliad.

Roedd y lleoliad bach bron yn llawn er gwaetha’r noson wlyb, a band lleol a gafodd ei ffurfio yn y Parrot, Tree of Wolves, oedd ar frig y noson.

Dywedodd gitarydd y band, Gruffydd Owen, fod y bar wedi gwneud “cyfraniad hollbwysig i orllewin Cymru.”

“Mae llawer o bobol greadigol yng Nghaerfyrddin a’r hyn mae’r Parrot wedi gwneud yw rhoi cartref iddyn nhw, a llwyfan i fandiau,” meddai.

“Does dim byd tebyg yng ngorllewin Cymru. Buon ni’n chwarae yng ngŵyl Oxjam yng Nghaerdydd wythnos diwethaf a roedd pawb yn holi ni am y Parrot, pawb yn sylweddoli mor bwysig yw e i ail-lansio’r lle.”

Cyfraniad i’r sîn roc Gymraeg

Dros y blynyddoedd diwethaf croesawodd y Parrot nifer o artistiaid Cymraeg megis Meic Stevens, Llwybr Llaethog, Cate Le Bon, Y Ffug, Dave Datblygu, Gwenno Saunders a Cowbois Rhos Botwnnog, ond nid yw wedi cael digon o glod gan y gymuned Gymraeg meddai Gruffydd Owen.

“Dyma un o’r ychydig leoliadau yng Nghymru oedd yn cynnal gigs Cymraeg bob mis, yn wirfoddol heb nawdd,” meddai.

“Wnaeth lot o bobol ddim gwerthfawrogi hynny a chafodd y lle ddim digon o glod.”

Cymuned Gerddorol Gorllewin Cymru sydd bellach yn rhedeg y bar yn adeilad hen dafarn y Marquis of Granby, ar Stryd y Brenin, ac mae disgwyl i’r comedïwr lleol Rhod Gilbert dynnu peints tu ôl y bar rywbryd ar ôl iddo roi £3,000 tuag at yr achos a chynnig rhoi help llaw tu ôl y bar.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl