Creu fersiynau gwahanol o nofelau Cymraeg?

 


Bethan Gwanas
Yn hytrach na gwario ar gyfieithu nofelau i’r Gymraeg, mae angen gwario arian ar greu dwy fersiwn o  nofel Gymraeg wreiddiol –  un yn nhafodiaith y de, a’r llall yn nhafodiaith y gogledd.

Dyna un o awgrymiadau’r awdures Bethan Gwanas wrth iddi gyflwyno Darlith Goffa Islwyn Ffowc Elis yng Ngŵyl Golwg eleni.

Dywedodd Bethan Gwanas bod y dafodiaith mewn rhai llyfrau Cymraeg yn ei gwneud hi’n anodd i ddarllenwyr fwynhau’r stori tu ôl i’r geiriau, yn enwedig mewn llyfrau plant.

“Mae’r iaith yn broblem mewn rhai llyfrau. Mae tafodiaith yn cael effaith ar bobol ac weithiau’n eu gwneud nhw roi’r llyfr i lawr.”

“Mae’r holl bres ‘ma yn cael ei wario ar gyfieithiadau – ond oni fasa hi’n well defnyddio’r pres i greu dwy fersiwn Gymraeg?

“Dwi’n meddwl basa Islwyn yn dweud ‘Amen’ i hynny.”

Nofelau plant

Yn ogystal â dweud bod angen llai o gyfieithu i’r Gymraeg, dywedodd Bethan Gwanas bod angen rhoi mwy o barch i awduron llyfrau plant:

“Os ydach chi’n awdur sy’n sgwennu llyfr i oedolion fe gewch chi £8000 – £10,000, ond mi geith awdur llyfr plant tua £800. Mae pobol yn mynd i feddwl nad ydy o werth rhoi’ch amser i sgwennu llyfrau plant.”

“Mae angen mwy o barch i nofelau plant gwreiddiol. Ac mae angen mwy o awduron o wahanol ardaloedd hefyd.

“Mae rhai’n credu nad ydy llenyddiaeth i fod yn hawdd … ond mi faswn i’n mynd mor bell â dweud, bod llenyddiaeth hawdd yn bwysicach ar gyfer dyfodol yr iaith Gymraeg.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones