Awdur Llyfr y Flwyddyn ‘bron â rhoi’r gorau iddi’

Diweddarwyd  


Ioan Kidd yn cael ei wobrwyo fel awdur Llyfr y Flwyddyn eleni
Mae Ioan Kidd, awdur Llyfr y Flwyddyn 2014, wedi dweud ei fod wedi ystyried rhoi’r gorau i’w yrfa fel awdur ar un adeg am nad yw llyfrau Cymraeg yn cael eu marchnata ddigon.

Mewn sgwrs yng Ngŵyl Golwg yn Llanbedr Pont Steffan, dywedodd bod ei nofel ddiwethaf ‘Un o Ble Wyt ti?’ wedi cael ei “hanwybyddu”  ar ôl cael ei chyhoeddi yn 2011 a bod hynny’n “dorcalonnus”.

Mae Ioan Kidd wedi bod yn sgrifennu ers deugain mlynedd, ond dywedodd wrth sgwrsio â Sian Sutton, ei fod wedi ystyried ei hun fel un o awduron anweledig Cymru – nes ennill hatric Llyfr y Flwyddyn gyda’i nofel ‘Dewis’ eleni.

“Mae ugeiniau ohonom yn sgrifennu o flwyddyn i flwyddyn ond dyw’r llyfrau ddim yn ymddangos ar y ‘radar’.

“Roeddwn i bron â rhoi’r gorau iddi. Chafodd ‘Un o Ble Wyt ti’ ddim un adolygiad. Does dim byd mwy torcalonnus na bod eich gwaith chi’n cael ei anwybyddu.

“Ro’n i wedi mwy ne lai dweud wrth yn hunain, dyna ni. Ond y munud olaf, ymddangosodd adolygiad gwych i ‘Un o Ble Wyt Ti’?”

“Ac oni bai am yr adolygiad hwnnw, fyddai Dewis ddim wedi gweld golau dydd.”

Marchnata

Aeth ymlaen i ddweud bod angen sicrhau bod adolygiadau cyson o lyfrau newydd Cymreig, ac nad dim ond yr awduron enwocaf sy’n cael y sylw:

“Rwy’n teimlo bod lle i wella marchnata yng Nghymru … gallen i fod wedi hyrwyddo’n hun yn fwy ond dyw hi ddim yn dod yn ail natur i mi wneud hynny.”

“Mae lle i sefydliadau wneud yn siŵr bod adolygiadau yn ymddangos mewn cylchgronau ac ar y we.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones