Protest gwrth-ffracio yn achosi tagfeydd

 


Y brotest ar Ffordd Fabian, Abertawe
Mae Heddlu De Cymru wedi eu galw i brotest gwrth-ffracio ar safle adeiladu yng Nghastell-nedd y bore yma.

Dywed yr heddlu fod wyth o ymgyrchwyr wedi torri mewn i’r safle ar Ffordd Fabian, fydd yn cael ei agor fel campws newydd Prifysgol Abertawe yn 2016, a bod tagfeydd sylweddol yn yr ardal oherwydd nad yw cerbydau wedi medru cael mynediad i’r safle.

Yn ôl adroddiadau gan y BBC, mae’r gwrthwynebwyr yn rhan o grwp Reclaim the Power sy’n protestio yn erbyn bwriad y brifysgol i gynnal ymchwil i ffracio.

Credir bod rhai o’r gwrthwynebwyr wedi cadwyno eu hunain i’r safle adeiladu.

Mewn datganiad, dywedodd llefarydd ar ran Heddlu De Cymru:

“Mae Heddlu De Cymru yn bresennol mewn protest ar safle adeiladu Ffordd Fabian yng Nghastell Nedd.”

“Rydym yn cydnabod yr hawl i gynnal protest heddychlon ac fe fyddwn yn gweithio gyda’r protestwyr i geisio lleihau unrhyw aflonyddwch i’r gymuned ac i sicrhau diogelwch y cyhoedd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed