Hawl i ddisgynyddion plant mabwysiedig ganfod eu teulu geni

Diweddarwyd am  

Gwenda Thomas

Fe all plant ac wyrion pobol fabwysiedig gael yr hawl i gysylltu â theulu genedigol eu rhieni, o dan gynlluniau newydd Llywodraeth Cymru.

Ar hyn o bryd dim ond pobol fabwysiedig a’u teuluoedd genedigol sy’n cael defnyddio gwasanaethau cyfryngu yr intermediary services.

Mae hwnnw’n hwyluso cyswllt rhwng pobol fabwysiedig a’u teuluoedd genedigol.

Bwriad y Llywodraeth yw ehangu hyn i bobol eraill ddefnyddio’r gwasanaethau.

Fe all y rhain gynnwys plant ac wyrion pobol fabwysiedig ac aelodau o deulu ehangach yr unigolyn mabwysiedig, fel gwŷr a gwragedd eu disgynyddion.

Mae’r gwasanaethau yn cael eu rhedeg gan gynghorau sir ac asiantaethau sydd yn cynnig cwnsela, cymorth a chyngor.

Gobaith y Llywodraeth yw sicrhau bod gwasanaethau cyfryngu i’r rheiny a fabwysiadwyd yng Nghymru cyn Rhagfyr 30, 2005. Mae trefn wahanol i’r rheiny a fabwysiadwyd ar ôl hynny.

O dan y cynigion fe all pobol fabwysiedig atal yr asiantaeth cyfryngu, yn ysgrifenedig, rhag gwneud cysylltiad.

Hefyd gellid mynnu eu bod nhw ond yn cysylltu mewn amgylchiadau penodol.

Angen amddiffyn preifatrwydd

Mae Llywodraeth Cymru yn bwriadu dod â’r rheoliadau i rym yng Nghymru erbyn haf 2015.

“Rwy’n credu bod rhesymau da dros ganiatáu i ddisgynyddion a pherthnasau pobl fabwysiedig gael defnyddio gwasanaethau cyfryngu,” meddai’r Dirprwy Weinidog Gwasanaethau Cymdeithasol, Gwenda Thomas.

“Er enghraifft, gallai fod rhesymau iechyd fel canfod os oes cyflwr meddygol etifeddol neu broblem iechyd arall a allai effeithio ar blant person.

“Felly rwy’n credu y dylid caniatáu i blant ac wyrion pobl fabwysiedig gael defnyddio gwasanaethau o’r fath, yn ogystal â’r bobl fabwysiedig eu hunain.

“Rydyn ni’n credu hefyd y dylid gosod trefniadau diogelu digonol i amddiffyn teuluoedd a bywydau preifat pobl fabwysiedig, a chydbwyso hawliau pobl fabwysiedig, ‘personau rhagnodedig’ a theuluoedd genedigol, gan fod yr hawliau hyn yn aml yn gwrthdaro.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones