David Jones yn colli ei swydd yn sgil ad-drefnu’r Cabinet

Diweddarwyd am  


David Jones
Mae’r Ysgrifennydd Gwladol David Jones wedi colli ei swydd yng nghabinet David Cameron yn sgil yr ad-drefnu.

Ar ol llai na dwy flynedd yn y swydd, fe fydd Aelod Seneddol Gorllewin Clwyd yn dychwelyd i’r meinciau cefn.

Roedd wedi olynu Cheryl Gillan yn Swyddfa Cymru ym mis Medi 2012.

Dywedodd David Jones: “Mae’r Prif Weinidog yn ad-drefnu ei dîm ac mae wedi gofyn i fi gamu o’r swydd. Rwy’n deall ei benderfyniad yn llwyr.”

Mae Ken Clarke hefyd wedi cyhoeddi y bydd yn ymddeol.

Mae disgwyl i David Cameron benodi rhagor o ferched i swyddi allweddol wrth iddo ad-drefnu ei gabinet.

‘Newid agwedd’

Yn gynharach, wrth ymateb i adroddiadau y gallai David Jones gael ei olynu gan Stephen Crabb, dywedodd Carwyn Jones y byddai’n croesawu newid mewn agwedd gan Swyddfa Cymru, er mwyn gwella perthynas Cymru â San Steffan.

Dywedodd y Prif Weinidog: “Mae e (Stephen Crabb) yn berson y ry’n ni’n teimlo y gallen ni wneud busnes gyda.”

Ychwanegodd Carwyn Jones: “Mi fydd yna anghytuno, dyna ydi natur democratiaeth a gwleidyddiaeth.

“Ond rwy’n gobeithio y bydd y berthynas yn gwella beth bynnag sy’n digwydd yn y misoedd nesaf.”

‘Agwedd’

Gofynnwyd i Carwyn Jones os byddai’r berthynas rhwng Cymru a San Steffan yn haws os byddai Ysgrifennydd Gwladol gwahanol:

“Mae hi’n dibynnu ar bwy sydd yn dod mewn a’u golwg nhw ar ddatganoli. Dw i ddim yn gwybod os bydd person newydd yn Swyddfa Cymru,” meddai.

“Mi fyswn i’n croesawu newid mewn agwedd. Mae hi’n bwysig, lle’r ry’n ni’n gallu, ein bod ni’n gweithio gyda’n gilydd.

“Mae yna wahaniaethau gwleidyddol, ond dw i ddim yn meddwl mai mater o bersonél ydyw, mater o natur y berthynas ydi hi. O bosib byddai newid personél yn newid hynny. Mae hi’n anodd iawn rhagweld y pethau yma.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed