Gosod agenda Nato ar gyfer yr Uwch Gynhadledd

Diweddarwyd am  


Y Celtic Manor yng Nghasnewydd
Cafodd yr agenda ar gyfer Uwch Gynhadledd NATO yng Nghasnewydd ei benderfynu neithiwr.

Daeth gweinidogion tramor y prif wledydd at ei gilydd mewn cyfarfod arbennig i drafod y prif faterion ym Mrwsel nos Fawrth.

Bydd rhai o arweinwyr y byd yn cwrdd yng ngwesty’r Celtic Manor yng Nghasnewydd ddechrau mis Medi, ac fe fydd Arlywydd yr Unol Daleithiau, Barack Obama yn ymweld â Chymru am y tro cyntaf erioed.

Bydd logo’r Uwch Gynhadledd yn cael ei gyhoeddi’n ddiweddarach heddiw.

Roedd Gweinidog Tramor yr Unol Daleithiau, John Kerry yn y cyfarfod neithiwr.

Ar frig yr agenda fydd y sefyllfa yn Irac ac Afghanistan, yn ogystal â’r trafferthion diweddaraf yn yr Wcráin.

Eisoes yr wythnos hon, cyhoeddodd Heddlu Gwent eu bod nhw’n disgwyl oedi hir i deithwyr ar draws Casnewydd pan fydd yr Uwch Gynhadledd yn cael ei chynnal.

Fe fydd mwy na 150 o arweinwyr a’u staff yn cael eu gwarchod gan yr heddlu yn ystod yr Uwch Gynhadledd, ac fe fydd newyddiadurwyr o bedwar ban y byd yn teithio i Gymru ar gyfer y digwyddiad.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019