Angen helpu mwy o fyfyrwyr i sicrhau lle yn Rhydgrawnt

 


Prifysgol Caergrawnt
Mae myfyrwyr o’r Cymoedd bum gwaith yn llai tebygol o wneud cais i astudio ym mhrifysgolion Rhydychen a Chaergrawnt na myfyrwyr dros y ffin, a deg gwaith yn llai tebygol o gael eu derbyn yno.

Dyma sail adroddiad gan gyn-ysgrifennydd Cymru, Paul Murphy AS, wrth iddo geisio canfod pam fod cyn lleied o ddisgyblion o Gymru yn astudio yn Rhydychen a Chaergrawnt, neu ‘Oxbridge’.

Daeth i’r casgliad mai lefel y cyrhaeddiad yng Nghymru, agwedd athrawon tuag at y ddwy brifysgol a diffyg pwyslais ar waith academig yn y Fagloriaeth Gymreig (BAC) oedd wrth wraidd y ffigyrau.

Mewn ymateb i’r adroddiad, mae’r Gweinidog Addysg wedi dweud y bydd cynllun yn cael ei roi ar waith i helpu ysgolion a cholegau i gefnogi myfyrwyr Cymru sydd am fynd i brifysgolion gorau Prydain.

Perfformiad isel

Fe wnaeth Paul Murphy gymharu nifer y ceisiadau i’r ddwy brifysgol o Merthyr Tudful, Blaenau Gwent,  Caerffili,  Torfaen, Castell-nedd Port Talbot, Casnewydd, Pen-y-bont ar Ogwr a Rhondda Cynon Taf gyda rhai o Hertfordshire, ger Llundain – oherwydd bod tua 1 miliwn o bobol yn byw yn y ddwy ardal.

“Mae myfyriwr o Gymru ddeg gwaith yn llai tebygol o gael eu derbyn a phum gwaith yn llai tebygol o wneud cais yn y lle cyntaf” meddai cyn-ysgrifennydd Cymru.

“Mae’n ymddangos yn hynod debygol fod y perfformiad cymharol isel yn yr asesiadau ar ôl arholiadau TGAU yn ffactor yn y nifer cymharol isel o geisiadau i Rydychen a Chaergrawnt o Gymru. Mae’r prifysgolion yn ystyried yr asesiadau uchod yn hynod bwysig.”

Argymhellion

Rhai o argymhellion Paul Murphy oedd gosod mwy o waith academig o fewn y BAC ac y dylai athrawon “werthu’r” prifysgolion i ddisgyblion a chodi ymwybyddiaeth ohonyn nhw o fewn gwersi.

Fe awgrymodd hefyd y dylai Caergrawnt a Rhydychen ddarparu deunydd Cymraeg ar gyfer pecynnau cyflwyno i ddisgyblion o ysgolion cyfrwng Cymraeg.

‘Gwaith i’w wneud’

Mae’r Gweinidog Addysg a Sgiliau, Huw Lewis, wedi dweud y bydd yn ystyried yr argymhellion yn llawn:

“Mae hwn yn bwnc astrus ac yn amlwg mae gwaith i’w wneud.

“Fe fydda i’n ystyried yr argymhellion yn llawn, ond yn y cyfamser dwi wedi cytuno i dreialu cynllun hwb i helpu ysgolion a cholegau i gydweithio â phrifysgolion i gefnogi myfyrwyr Cymru sydd am fynd i brifysgolion gorau’r DU.

“Dw i wedi gofyn am i waith ar hyn ddechrau ar unwaith.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed