Ffrae ynglyn â’r iaith ar Radio 4

 


Mae byd y trydarwyr wedi cyffroi unwaith eto yn dilyn ffrae ynglŷn â’r iaith Gymraeg ar y radio.

Yn dilyn y dadlau a fu ar ôl darllediad am yr iaith ar Radio Wales yn ddiweddar, mae’r trydarwyr yn awr wedi gwylltio yn dilyn darllediad o’r rhaglen Any Questions ar Radio 4.

Roedd y rhaglen yn dod o Gas-gwent y tro hwn, a’r panelwyr oedd Arweinydd y Democratiaid Rhyddfrydol yng Nghymru, Kirsty Williams; Dirprwy Gadeirydd UKIP, Neil Hamilton, yr Aelod Seneddol Ceidwadol Jesse Norman a chyn Ysgrifennydd Cymru, Peter Hain AS.

Fe holodd aelod o’r gynulleidfa, oedd yn llywodraethwyr ysgol gynradd leol, sut oedd Llywodraeth Cymru yn gallu cyfiawnhau gwario gymaint ar ddogfennau Cymraeg, arwyddion ffyrdd Cymraeg ac arwyddion siop Cymraeg.

Roedd y panelwyr i gyd yn cefnogi gwariant ar yr iaith gyda Kirsty Williams yn nodi fod Cymru yn wlad ddwyieithog, lle mae’r Gymraeg a Saesneg yn gyfartal. Roedd yn falch o’n diwylliant a’n hiaith, meddai.

Sylw Neil Hamilton yn ystod ei ymateb oedd mai’r Gymraeg oedd ‘iaith y nefoedd’. Roedd Peter Hain yn cefnogi barn Kirsty Williams yn llwyr, meddai.

Roedd hi’n amlwg nad oedd y gynulleidfa yng Nghas-gwent yn cytuno â’r panelwyr, fodd bynnag, a chafwyd bonllefau o gymeradwyaeth yn cefnogi’r sawl wnaeth holi’r cwestiwn.

Dyma ymateb rhai fu’n trydar:

https://twitter.com/BBCRadio4/status/452169992407355393

Emyr Gruffydd ‏@emyr1990 13h

@bethanjenkins @Rhuanedd @BBCRadio4 Mae’n lwcus nad oes unrrhyw wydr yn agos ata fi. Bydde fe wedi whalu’n bishys.

Rugby Sad Dragon ‏@wru4me 13h

@BBCRadio4 @RussellRElliott Radio 4 morons. Own language in own country. Welsh speakers pay taxes and have right to speak Welsh

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer