Y sac i Dafydd Elis-Thomas

 


Leenne Wood - cryfhau ei hawdurdod
Mae Dafydd Elis-Thomas wedi cael ei ddiswyddo o fod yn llefarydd Plaid Cymru ar Drafnidiaeth ac yn colli enwebiad Plaid Cymru i fod yn Gadeirydd Pwyllgor Amgylchedd a Chynaliadwyedd y Cynulliad Cenedlaethol.

Fe ddaeth y cyhoeddiad gan arweinydd Plaid Cymru, Leanne Wood, ar ôl i Dafydd Elis-Thomas – sy’n gyn arweinydd ei hun – ymosod yn gyhoeddus ar ei haraith hi yng nghynhadledd y Blaid dros y Sul.

Roedd wedi ei chyhuddo hi o “ymosodiad arwynebol” trwy honni bod y blaid gwrth-Ewrop UKIP yn mynd yn gros i fuddiannau Cymru.

Geiriau Leanne Wood

“Dros y penwythnos, ceisiodd Plaid Cymru amlygu’r peryglon sy’n wynebu Cymru gan UKIP. Rydym yn credu’n ddiffuant nad yw polisïau’r blaid er budd pobol ein cymunedau,” meddai Leanne Wood mewn datganiad.

“Penderfynodd Dafydd Elis-Thomas ladd ar y safbwynt hwn heb godi unrhyw bryderon ymlaen llaw.

“Mae pobol Cymru, ac aelodau Plaid Cymru yn disgwyl ac yn haeddu plaid genedlaethol sydd yn unedig wrth ymdrin â’r heriau sy’n wynebu ein gwlad; ar swyddi, yr economi, a bydd yn parhau i roi Cymru yn gyntaf.”

Penodi

Mae AC newydd Ynys Môn, Rhun ap Iorwerth, wedi ei benodi’n Llefarydd Trafnidiaeth i Blaid  Cymu ac Alun Ffred Jones fydd yn cael ei enwebu i gadeirio’r pwyllgor.

Fe fydd penderfyniad Leanne Wood yn cael ei weld yn ymgais i gryfhau ei awdurdod – nid dyma’r tro cynta’ i Dafydd Elis-Thomas fod yn feirniadol ohoni.

Roedd wedi sefyll yn ei herbyn am arweinyddiaeth y Blaid ar ôl ymddiswyddiad Ieuan Wyn Jones.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn