Theatr: Tir Sir Gar yw dewis y cyhoedd

 


Tir Sir Gar
Roedd hi’n noson i ddathlu cyfraniad actorion a chwmnïau theatr Cymru nos Sadwrn, wrth i Wobrau Beirniaid Theatr Cymru gael eu cynnal yn Theatr Sherman, Caerdydd.

Dyma’r ail flwyddyn i’r gwobrau gael eu cynnal ar ôl cael eu sefydlu gan yr Young Critics Scheme y llynedd. Nicola Heywood-Thomas oedd yn arwain y noson unwaith eto eleni.

Fe aeth y prif wobrau i gynhyrchiad y Theatr Genedlaethol, Blodeuwedd am y Cynhyrchiad Cymraeg Gorau, a Tir Sir Gar yn derbyn y wobr am gynhyrchiad gorau’r cyhoedd, yn dilyn pleidlais gan ddarllenwyr Golwg a Golwg360.

Owain Arwyn enillodd y wobr am yr Actor Gwrywaidd Gorau am ei bortread o Handi Al yn nrama Aled Jones Williams, Pridd.

A Rhian Morgan a dderbyniodd y wobr am yr Actor Benywaidd Gorau, am ei pherfformiad yn Dyled Eileen gan Angharad Tomos.

Roedd dau o gewri byd drama, Aled Jones Williams a Meic Povey yn mynd benben â’i gilydd am wobr y Dramodydd Cymraeg Gorau ond Roger Williams aeth a hi am Tir Sir Gâr.

Yr enillwyr

Dyma restr o rai o’r enillwyr:

Perfformiad gorau gwrywaidd yn yr iaith Gymraeg

Owen Arwyn: Pridd – Theatr Genedlaethol Cymru

Perfformiad gorau benywaidd yn yr iaith Gymraeg

Rhian Morgan: Tir Sir Gar – Theatr Genedlaethol Cymru

Cynhyrchiad yn yr iaith Gymraeg

Blodeuwedd – Theatr Genedlaethol Cymru

Gwobr y cyhoedd: Tir Sir Gar – Theatr Genedlaethol Cymru

Dramodydd (Cymraeg)

Roger Williams: Tir Sir Gar – Theatr Genedlaethol Cymru

Cyfarwyddwr

Wils Wilson: Praxis Makes Perfect – National Theatre Wales

Cynhyrchiad opera

Lulu – Opera Cenedlaethol Cymru

Addysgwr ysbrydoledig

Ioan Hefin: You Should Ask Wallace – Theatr na nÓg

Cerddoriaeth a Sain

Dan Lawrence – The Bloody Ballad (Gagglebabble)

Cynllunio a gwisgoedd

Rachel Canning – Sleeping Beauties (Sherman Cymru)

Cynhyrchiad yn yr iaith Saesneg

Parallel Lines – Dirty Protest

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd