Beth oedd cynhyrchiad theatrig gorau 2013?

Diweddarwyd am  


Mae Tir Sir Gar gan Theatr Genedlaethol Cymru'n un o'r cynhyrchiadau ar y rhestr fer
Un o chwedlau’r mabinogi, cofio protest gyntaf Cymdeithas yr Iaith, a sut mae teulu’n gorfod wynebu dyfodol ansicr eu fferm  – dyma themâu tair drama gan Theatr Genedlaethol Cymru sydd wedi cyrraedd rhestr fer Cynhyrchiad Gorau yn yr Iaith Gymraeg yng Ngwobrau Beirniaid Theatr Cymru 2014 (Theatre Critics of Wales Awards).

Yn ogystal â chynyrchiadau Theatr Genedlaethol Cymru – ‘Tir Sir Gar’, ‘Blodeuwedd’ ac ‘Y Bont’ – mae’r dramâu  ‘Cyfaill’ a ‘Llanast!’ gan Theatr Bara Caws hefyd ar y rhestr fer.

Eleni, am y tro cyntaf mae modd i’r cyhoedd bleidleisio dros y Cynhyrchiad Gorau yn yr Iaith Gymraeg, a gwneud hynny ar Golwg360.

Gwobr y cyhoedd

Mae’r gwobrau, sy’n cael eu cynnal am yr ail flwyddyn, yn dod o Gynllun Beirniaid Ifanc (Young Criticts Scheme) sef criw o bobol ifanc rhwng 12 a 25 mlwydd oed sy’n sgwennu adolygiadau o gynyrchiadau llwyfan cyn eu cyhoeddi ar-lein.

Fe wnaeth beirniaid theatr broffesiynol o Gymru gyfarfod gydag aelodau’r Cynllun Beirniaid Ifainc i lunio rhestr fer o gynyrchiadau a welsant gan gwmnïau o Gymru yng Nghymru yn ystod 2013.

Mae aelodau’r panel eisoes wedi pleidleisio dros eu ffefrynnau a fydd yn cael eu cyhoeddi yn ystod seremoni yn Sherman Cymru yng Nghaerdydd ar Ionawr 25 ond nawr maen nhw eisiau i ddarllenwyr Golwg360 bleidleisio am eu cynhyrchiad Cymraeg gorau nhw dros y flwyddyn ddiwethaf.

Bydd y bleidlais gyhoeddus yn cau am 5:00 brynhawn Gwener 17 Ionawr.

Pleidleisiwch am eich ffefryn chi isod ac am ragor o wybodaeth am Gynllun Beirniaid ifanc a’r gwobrau cliciwch yma.


Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd