Cwmni Brychtyn yn colli cytundeb anferth

Diweddarwyd am  


Awyren yn cael tanwydd wrth hedfan (Llu Awyr UDA
Mae’r cwmni sy’n berchen ar ffatri awyrennau fawr Brychtyn yng ngogledd Cymru wedi colli’r gystadleuaeth am gytundeb gwerth £21.6 biliwn i adeiladu awyrennau newydd i lu awyr yr Unol Daleithiau.

Cwmni Americanaidd Boeing sydd wedi cael y gwaith o adeiladu bron i 200 o awyrennau anferth – tanceri awyr sy’n cario tanwydd ar gyfer awyrennau eraill.

Roedd cwmni EADS, perchnogion BAE ym Mrychtyn, wedi bod yn cystadlu am ddegawd am y cytundeb gyda nifer o arbenigwyr yn y maes yn credu mai nhw fyddai’n llwyddo.

Ond  gyda Boeing yn adeiladu’r awyrennau, fe fydd yna ddegau ar filoedd o swyddi’n cael eu creu yn nhalaith Washington a Kansas.

Fe ddywedodd Dirprwy Ysgrifennydd Amddiffyn yr Unol Daleithiau, William Lynn, mai Boeing oedd “yr enillydd clir.”

Yn ôl y Pentagon, roedd y ddau gynnig yn cwrdd â phob un o’r 372 o ofynion angenrheidiol ond roedd pris Boeing fwy nag 1% yn rhatach nag un EADS.

Mae’r Unol Daleithiau’n chwilio am awyrennau newydd gan fod y tanceri awyr presennol yn hedfan ers 1965.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones