AC yn croesawu uwch-gynhadledd ar gefn gwlad

 


Mae llefarydd Plaid Cymru ar faterion yr amgylchedd ac amaeth wedi croesawu’r cyhoeddiad y bydd uwch-gynhadledd ar faterion gwledig yn cael ei chynnal yn ystod y Sioe Frenhinol eleni.

Roedd Llyr Huws Gruffydd wedi galw ar y Gweinidog Amaeth, Alun Davies i gynnal trafodaethau amlbleidiol gyda chyrff ffermio a sefydliadau bywyd gwyllt er mwyn ymateb i’r argyfwng ffermio a bioamrywiaeth.

Bydd yr uwch-gynhadledd hefyd yn tynnu ynghyd weithwyr y tir a’r môr.

Gan dynnu sylw at adolygiad annibynnol i gyflwr y diwydiant amaethyddol yng Nghymru a gyhoeddwyd gan Lywodraeth Cymru ym mis Mai, dywedodd yr AC dros Ogledd Cymru mai dyma, efallai, fydd yr un darn pwysicaf o waith am y diwydiant amaethyddol a wneir gan Lywodraeth bresennol Cymru.

Cyfeiriodd hefyd at yr adroddiad Cyflwr Natur a gyhoeddwyd gan glymblaid o 25 o gyrff bywyd gwyllt, a ganfu fod 60% o’r rhywogaethau a astudiwyd wedi dirywio dros y degawdau diwethaf.

Pwysig

Dywedodd Llyr Huws Gruffydd: “Rwy’n falch fod y Gweinidog wedi cydnabod pwysigrwydd dwyn ynghyd bawb sydd â diddordeb mewn ymateb i’r ddwy her fawr hon sy’n wynebu’r Gymru wledig.

“Gwelsom fod bywyd gwyllt yng Nghymru yn dirywio’n arw, gyda chanlyniadau enbyd i amgylchedd Cymru, ac y mae arnom angen trafodaeth agored am y modd i ymateb i hyn.

“Mae’n bryd i ni symud ymlaen o’r hyn fu yn rhy aml yn ddadl sy’n pegynnu.

“Bydd yr uwch-gynhadledd hon yn gyfle y bu ei fawr angen i gael pawb o gwmpas y bwrdd i adeiladu ar dir cyffredin a thrafod meysydd lle’r ydym yn anghytuno.

“Ddylai hwn ddim bod yn ddigwyddiad unigol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones