Llyfrgell Genedlaethol ar gau yn dilyn tân

 


Y tân ddydd Gwener (llun Sion England)
Ar ôl i ymladdwyr tân fod ar waith trwy’r nos yn Llyfrgell Genedlaethol Cymru, Aberystwyth, mae ymchwiliad bellach ar y gweill er mwyn darganfod beth yn union achosodd y tân.

Roedd y tân wedi cynnau yn llawr uchaf a tho’r estyniad toc ar ôl 2.30 o’r gloch brynhawn Gwener – yn y rhan sydd agosaf at brif faes parcio’r sefydliad.

Yng ngolau dydd, mae’n amlwg fod bron i 100 troedfedd (30 metr) o hyd y to wedi ei ddifrodi gan y fflamau, ynghyd â nifer o swyddfeydd.

“Hoffai’r Llyfrgell ddiolch i bawb am eu negeseuon a chynigion o gymorth,” meddai datganiad ar ran y Llyfrgell heddiw.

“Gofynnir i’r staff a chyhoedd i beidio â dod i’r adeilad i gynnig help llaw, tan ein bod yn cysylltu’n benodol.”

Mae’r Llyfrgell ar gau heddiw, ac fe fydd wedi cau ddydd Llun hefyd. Er hynny, fe fydd cyfarfod staff am 10 o’r gloch fore Llun.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed