Cyngor yn galw am gyfarfod brys gyda’r Gweinidog Iechyd

 


Mae Cyngor Sir Gâr wedi galw am gyfarfod brys gyda’r Gweinidog Iechyd, Mark Drakeford i drafod cyflwr “enbyd” y gwasanaethau iechyd yn y sir.

Roedd y Cyngor llawn wedi derbyn yn unfrydol  cynnig gan Blaid Cymru y dylid cwrdd â Mark Drakeford i fynegi pryder am y newidiadau i’r gwasanaeth iechyd sy’n cael eu hargymell  gan Fwrdd Iechyd Lleol Hywel Dda.

Byddan nhw’n gofyn i’r Gweinidog Iechyd i ymateb i’r pryderon am y bwriad i leihau lefel y gwasanaeth brys yn Ysbyty’r Tywysog Philip yn Llanelli.

Mae’r adran yn cael ei ad-drefnu fel rhan o gynlluniau ehangach i ad-drefnu’r gwasanaethau iechyd o fewn Bwrdd Iechyd Hywel Dda.

Mae’r cynlluniau wedi cael eu cyfeirio at Lywodraeth Cymru.

‘Brwydr gyson’

Dywedodd y cynghorydd Gwyneth Thomas, sy’n nyrs yn Adran Argyfwng Ysbyty Tywysog Philip yn Llanelli: “Mae’n frwydr gyson i ymdopi a’r sefyllfa ac mae’r staff yn eithriadol ddigalon.

“Rwyf i fy hun wedi bod yn agos at ddagrau.

“Ar brydiau bydd tri ambiwlans yn aros y tu allan i’r Adran oherwydd prinder gwlâu.

“Mae cleifion yn aml yn gorfod aros am bedair, pump neu chwe awr yn yr ambiwlans cyn cael lle yn yr ysbyty.

“Mae’n argyfwng oherwydd y gostyngiad cyson yn nifer gwlâu yn yr ysbyty dros y blynyddoedd diwethaf. Nid eithriad oherwydd pwysau salwch gaeaf yw’r sefyllfa bresennol; dyma’r norm.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer