“Ffarmio drw’r ffenast” fydd Gerald yr Ysgwrn ar ei ben-blwydd yn 90

Diweddarwyd  

Gerald Williams o flaen Yr Ysgwrn

Llun: Comin Wicimedia

Fe fydd Gerald yr Ysgwrn, nai’r bardd Rhyfel Byd Cyntaf Hedd Wyn yn cyrraedd ei ben-blwydd yn 90 yfory (dydd Mercher, Chwefror 6) – ond “eisiau anghofio am y peth” y mae’r ffermwr.

“Cuddio o dan y gwely fydda’ i os fedra’i!” meddai wrth golwg360 gan chwerthin, “does ‘na neb isio dathlu bod yn 90 oed siŵr, ti’n blydi hen, dwyt!”

“Eistedd yn edrych allan yn fan hyn ag yn ffarmio drw ffenast,” o’i gartref Yr Ysgwrn, fydd o’n ei wneud fory, “jest ‘r’un fath ag arfar”.

Mae Gerald Williams wedi bod yn edrych ar ôl Yr Ysgwrn ers 65 mlynedd, ar ôl addo i’w fam yn 1954 y byddai’n cadw’r drysau yn agored i ymwelwyr o bob cwr o‘r byd, yn rhad ac am ddim.

Fe gafodd rhyw fân ddathliadau pen-blwydd nos Sul diwethaf (Chwefror 3) gyda “rhyw forty five o’n cymdogion – a diawch, aeth y diwrnod yn well nag oni’n feddwl,” meddai.

Ar ddiwedd y noson cafodd glywed rhai o’i hoff ganeuon yn cael eu canu ar raglen Ar Eich Cais ar Radio Cymru gan gynnwys fersiwn y baswr o Bennal, Richard Rees, o eiriau Eifion Wyn, ‘Ora Pro Nobis’.

“Rhyw fachgan bach o’r wlad ydw i,” meddai wedyn, “ac i fod yn onast, dyn heb ôl – dw i’m isio stwffio’n hun ymlaen o gwbwl.”

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones