‘Rhaid ymestyn Erthygl 50’ – Llywydd Undeb Amaethwyr Cymru

 
Praidd o ddefaid ar weundir

Defaid

Llun: Golwg360

Mae llywydd un o undebau’r ffermwyr yng Nghymru yn dweud y dylai Theresa May bellach ystyried “ymestyn Erthygl 50”, yn dilyn methiant ei chytundeb Brexit ar lawr Tŷ’r Cyffredin.

Yn ôl Glyn Roberts, Llywydd Undeb Amaethwyr Cymru, roedd ei undeb ond wedi cefnogi’r cytundeb ar yr amod y byddai gwelliant wedi’i gynnwys yn gwrthod ‘dim cytundeb’ – yn y diwedd, fe gafodd hwnnw ei dynnu’n ôl.

“Rydan ni fel undeb wedi gofyn ers y dechrau ei bod hi’n bwysig rhoi digon o amser i drafod y pethau yma,” meddai Glyn Roberts wrth golwg360.

“Yn ôl yn y Sioe Fawr ym mis Gorffennaf diwethaf, fe wnes i ofyn yn benodol, pan gefais i’r cyfle i gyfarfod â Theresa May, iddi gysidro ymestyn Erthygl 50.”

‘Dim cytundeb’ – “gaeaf aruthrol o hir”

Fe fyddai methu â chael cytundeb Brexit yn  cael “effaith andwyol iawn” ar y diwydiant amaeth yng Nghymru, yn ôl Glyn Roberts.

“Ar hyn o bryd, mae 30% o’n bwyd ni yn cael ei allforio i Ewrop, ac os ydan ni’n colli 30% o’r farchnad, mae’n mynd i gael effaith andwyol ar brisiau.

“Os ydan ni’n sbïo yn ôl ar 2001 pan ddaeth y clwy traed a’r genau dros nos, fel petai, fe stopiwyd allforio ŵyn i Ewrop, ac fe wnaeth y pris am ŵyn haneru bryd hynny…

“Fe ddywedodd Michael Gove [yr ysgrifennydd tros amaeth yn Lloegr] yn eithaf diweddar y bydd hi’n aeaf hir, ond mi fuaswn i’n dweud os ydan ni’n mynd allan heb gytundeb mae’n mynd i fod yn aeaf aruthrol o hir ar y diwydiant amaeth.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed