Elusen yn codi pryderon am ddiogelwch peiriannau sychu dillad

Diweddarwyd am  

Mae elusen wedi rhybuddio bod peiriannau sychu dillad a allai fod yn ddiffygiol yn cael eu gwerthu ar-lein.

Mae cwmni Whirlpool yn cydnabod bod namau ar rhai o’u peiriannau, a’r wythnos diwethaf cafodd golau ei daflu dros ehangder y broblem.

Er nad oes sicrwydd ynglŷn â faint o beiriannau diffygiol sydd wedi cael eu gwerthu, mae’n bosib bod y ffigur mor uchel â 800,000, yn ôl y cwmni.

Yn sgil y cyfaddefiad yma, mae elusen Electrical Safety First (ESF) wedi datgelu bod peiriannau Whirlpool – rhai sydd ddim i fod cael eu gwerthu – yn cael eu gwerthu ar y we.

Mae’r peiriannau yn cael eu hysbysebu ar amryw o wefannau gan gynnwys eBay a Facebook, ac maen nhw’n cael eu gwerthu gan werthwyr gwahanol – nid y cwmni.

“Hollol annerbyniol”

Yn ôl un o benaethiaid ESF mae’n “hollol annerbyniol” bod y peiriannau yn cael eu gwerthu ar y we, ac mae angen gwneud rhagor i “godi ymwybyddiaeth”.

“Rydym yn ymwybodol bod rhai pobol sy’n eu gwerthu heb wybod nad ydyn nhw i fod cael eu gwerthu,” meddai Martyn Allen, Cyfarwyddwr Technegol ESF.

“A dyma’n union pam bod angen gwneud mwy i godi ymwybyddiaeth am gynnyrch sydd yn destun hysbyseb recall neu ddiogelwch.”

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019