Diwydiant ceir yn erfyn am “gytundeb Brexit cyflym”

 

Car Jaguar

Llun: CC0 trwy www.pixabay.com

Mae diwydiant ceir gwledydd Prydain yn pledio unwaith eto ar y Llywodraeth i sicrhau cytundeb Brexit wrth i’r gyfradd gweithgynhyrchu ddisgyn am y deuddegfed mis.

Yn ôl y Gymdeithas Gwneuthurwyr a Masnachwyr Moduron mae allbwn y diwydiant wedi gostwng 15.5% ym mis Mai eleni, o gymharu â blwyddyn yn ôl.

Cafodd 21,239 yn llai o geir eu hadeiladu mewn ffatris yng ngwledydd Prydain, gyda’r galw gan gwsmeriaid yma ac o dramor wedi disgyn.

“Cytundeb Brexit cyflym”

“Mae deuddeng mis o ddirywio yn olynol mewn gweithgynhyrchu ceir yng ngwledydd Prydain yn bryder difrifol ac yn tanlinellu eto bwysigrwydd sicrhau cytundeb Brexit yn gyflym,” meddai Mike Hawes, Prif Weithredwr Cymdeithas Gwneuthurwyr a Masnachwyr Moduron

“Nid yw’r ansefydlogrwydd gwleidyddol parhaus a’r ansicrwydd ynghylch ein perthynas â masnach dramor yn y dyfodol, yn enwedig gydag Ewrop, yn helpu.

“Tydi Brexit heb gytundeb ddim yn opsiwn,” ychwanegodd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones