Peidiwch â chael eich dal gan “wallgofrwydd y gwario” meddai Lowri Evans

Diweddarwyd  

:Lowri Evans

Mae sengl Nadolig Lowri Evans yn galw arnom i dreulio amser gyda phobol, yn hytrach na gwario ein harian arnyn nhw.

Yr arbenigwr arian, Martin Lewis, sydd wedi ysbrydoli pedwerydd can Nadoligaidd y gantores, sy’n cario neges gref.

Gyda’r straen yn dangos ar ddyled yn codi yn ystod adeg y Nadolig mae hi’n galw arnom i beidio cael ein hamsugno i’r duedd o wario pres yn ormodol, ac yn  hytrach meddwl am beth sy’n wirioneddol bwysig yn ystod yr Ŵyl.

‘Amser Dwl y Flwyddyn’ yw enw’r gan sy’n adlewyrchu cred Lowri Evans bod gwariant y Nadolig “dros ben llestri.”

Ysbrydoliaeth

“Nes i weld rhaglen ar y teledu gan yr arbenigwr arbed pres Martin Lewis a dyna wnaeth fy ysbrydoli,” meddai Lowri Evans wrth golwg360.

“Roedd e’n siarad amdano sut mae pobol yn gwario dros y Nadolig – sut mae pobol yn teimlo fod rhaid prynu anrhegion, a bod rhaid prynu anrhegion yn ôl i bobol

“Mae pobol yn cael panics mawr bod rhai pobol yn prynu anrhegion i bobol tydi nhw ddim eisiau. Mae pobol jyst yn neud e oherwydd y pwysau – ac mae pobol yn meddwl gormod am faint maen nhw’n gwario.”

I’r gantores o Sir Benfro, mae’r Nadolig ynglŷn â “treulio amser gyda theulu a ffrindiau a bod gyda phobol sy’n bwysig yn lle hala’r arian mawr.”

Cafodd y gan ei recordio gan ei label ei hun – Recordiau Shimi, mewn stiwdio yn ei thŷ ei hun.

Lee Mason wnaeth y cynhyrchu, ynghyd a chwarae’r bas, y gitâr a’r allweddellau.

Dyma Lowri Evans yn trafod neges ‘Amser Dwl y Flwyddyn’:

https://www.youtube.com/watch?v=nZuYotsBMIU&feature=youtu.be

 

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed