₤11m i brosiectau ymchwil Prifysgol Abertawe

 

Llun: CC0

Mae dau brosiect ymchwil y mae Prifysgol Abertawe yn rhan ohonyn nhw wedi derbyn gwerth ₤11m mewn grantiau gan y Comisiwn Ewropeaidd.

Bydd y ddau brosiect yn canolbwyntio ar gefnogi datblygiad nanoddeunyddiau wedi’u peiriannu (ENM).

Nod y prosiect Nanolnforma TIX, sy’n cael ei arwain gan griw yn Sbaen, yw creu fframwaith cyfrifiadurol ar gyfer deall datguddiad a natur wenwynig nanoddeunyddiau wedi’u peiriannu.

Y nod fydd defnyddio gwybodaeth o’r ymchwil i gynorthwyo gydag asesau risg, lleihau dibyniaeth ar brofi ar anifeiliaid a chefnogi dylunio cynnyrch mwy diogel.

Mae’r ail brosiect wedyn yn becyn gwaith ar gyfer RiskGONE, sy’n cael ei arwain gan y Sefydliad Norwaidd ar gyfer Ymchwilwyr Awyr.

Bydd y prosiect hwn yn archwilio materion sy’n ymwneud â llywodraethu a rheoleiddio gwerthusiad nanoddiogelwch.

“Cysylltu â phartneriaid rhyngwladol”

Bydd y gwaith ymchwil yn cael ei gynnal gan y Grŵp Tocsicoleg In Vitro, sy’n rhan o Ysgol Feddygaeth Prifysgol Abertawe, gyda’r Athro Shareen Doak yn chwarae rhan blaenllaw yn y ddau brosiect.

“Rydym wrth ein bodd i ddechrau 2019 gyda’r arian ymchwil pwysig hwn,” meddai’r Athro Keith Lloyd, Pennaeth yr Ysgol Feddyginiaeth. “Mae’r Athro [Shareen] Doak a’i thîm wedi gweithio’n hynod galed i ddatblygu ymchwil ar nanoddiogelwch.

“Bydd ein myfyrwyr hefyd yn elwa o’r gwaith hwn drwy eu prosiectau ymchwil – byddan nhw’n gallu cysylltu â phartneriaid rhyngwladol a bod o flaen y gad o ran yr ymchwil pwysig hwn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019