Penodi Bethan Emyr Jones i arwain y ffordd yn Ysgol Godre’r Berwyn

Diweddarwyd  

Mae’r sylfeini wrthi’n cael eu gosod ar gyfer cartref newydd i addysg 3-18 oed yn y Bala, ac mae Bethan Emyr Jones wedi’i phenodi i fod wrth y llyw yn Ysgol Godre’r Berwyn.

Bydd Bethan yn dechrau ar ei swydd fel Pennaeth yr ysgol gymunedol newydd hon ym mis Ionawr 2019, ac mae’n edrych ymlaen at yr her newydd o greu amgylchedd hapus a chyfeillgar lle y gall y plant fwynhau ddod i’r ysgol a mwynhau dysgu. Ei nod yw datblygu disgyblion sy’n “unigolion egwyddorol, mentrus, uchelgeisiol a hyderus”, trwy greu ysgol hapus sy’n rhoi’r plant yn gyntaf.

Bydd Ysgol Godre’r Berwyn yn ysgol gymunedol, a hynny ar gais y gymuned leol. Ac yn wir, bydd yn adnodd i bawb – bydd neuadd yr ysgol yn cael ei defnyddio fel sinema’r dref o fis Ionawr ymlaen. Mae Bethan yn gobeithio gweld yr ysgol a’r gymuned leol yn y Bala a’r dalgylch yn cyd-ymdreiddio, er mwyn cyfoethogi addysg a datblygiad personol y plant.

Mae ganddi brofiad helaeth o arwain ym maes addysg – bu’n bennaeth ar Ysgol Ffridd y Llyn, yn Bennaeth Strategol yn Ysgol Beuno Sant ac yn bennaeth Ffederasiwn Cysgod y Foel. Mae hefyd wedi treulio cyfnod ar secondiad gyda’r consortiwm lleol, GwE, fel Ymgynghorydd Her.

Un o Flaenau Ffestiniog yw Bethan yn wreiddiol, ac mae’n ymfalchïo yn nylanwad bro’r llechi arni. Er ei bod wedi setlo yn Llanuwchllyn erbyn hyn ac yn mwynhau’r olygfa o’r Aran a Llyn Tegid wrth agor y llenni bob bore, mae pobl Blaena’ yn dal i fod yn agos iawn at ei chalon, ac mae’r “llechan dal yn gryf yn y gwaed”!

Cafodd y swydd hon ei hysbysebu ar Golwg360.

 

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed