Dau ffrind a “rhaglen fwya’ poblogaidd” Prifysgol Caerdydd

Diweddarwyd  

Jacob Morris a Nest Jenkins

Llun: Xpress Radio

Dau ffrind o’r Gorllewin sy’n hoff o hiwmor yw cyflwynwyr y rhaglen fwya’ poblogaidd erioed ar orsaf radio Prifysgol Caerdydd.

Crac y Wawr ydi enw rhaglen ddwyawr a hanner y myfyrwyr Jacob Morris a Nest Jenkins, rhwng 7.30 a 10 o’r gloch ar foreau Mercher ar Xpress Radio.

Mae’r naill yn dod o Lanelli ac yn astudio Cymraeg a Gwleidyddiaeth; a’r llall o bentref Lledrod yng Ngheredigion ac yn astudio’r Gyfraith a Chymraeg.

Roedd cannoedd o wrandawyr wedi tiwnio i mewn i’w rhaglen gyntaf ddechrau’r mis – y nifer mwyaf i wrando ar unrhyw sioe, yn Gymraeg neu yn Saesneg, ar yr orsaf ers ei sefydlu.

Y syniad 

Daeth cyfle i’r ddau fel rhan o’r CMCC (Cyfryngau Myfyrwyr Cymraeg Caerdydd).

“Holl bwrpas y sioe yw cael hwyl ben bore Mercher, gyda chaneuon reit dda ac eitemau ysgafn,” meddai Jacob Morris wrth golwg360, gan egluro fod yr eitemau hynny’n cynnwys ‘Rant yr Wythnos’, ‘Dyfyniad yr Wythnos gan Yvonne Tywydd’, a ‘Clique y Crac’.

“R’yn ni mor ddiolchgar i bawb sy’n tiwnio fewn hyd yn hyn, ac os nad ydyn nhw, rhowch wrandawiad i ni, ni’n addo fyddwn ni ddim yn siomi,” meddai wedyn.

Gallwch wrando ar Twitter, @cracywawr neu yn fan hyn.

 

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed