Diffyg arian addysg Gymraeg yn golygu fod plant yn cael eu gwrthod

Diweddarwyd am  
Llun o fyrddau a chadeiriau lliwgar mewn dosbarth

Llun: Thelmdatter CCA3.0

Mae “diffyg buddsoddiad” Cyngor Caerdydd mewn addysg Gymraeg yn “annerbyniol”, yn ôl Aelod Seneddol gogledd y brifddinas, Anna McMorrin.

Mae’r gwleidydd Llafur wedi dweud bod rhaid i’r Cyngor, sy’n cael ei arwain gan yr un blaid, ymateb i’r galw a “sicrhau cyllid angenrheidiol” i wella darpariaeth ysgolion Cymraeg yng Nghaerdydd.

Daw ei phryderon yn dilyn methiant dwy ysgol gynradd yn ei hetholaeth – Ysgol y Wern ac Ysgol Mynydd Bychan – i gynnig lle i blant ar gyfer y flwyddyn i ddod.

“Mae diffyg buddsoddiad yn annerbyniol. Fel cenedl mae’n rhaid inni ddarparu’r cyfle i bob rhiant anfon eu plentyn i ddysgu drwy gyfrwng iaith ein gwlad,” meddai Anna McMorrin.

“Yn dilyn llwyddiant ysgubol yr Eisteddfod yng Nghaerdydd yr wythnos hon, a gan fy mod yn ddysgwr fy hun, fe ddylem ni wneud popeth yn ein gallu i sicrhau y caiff unrhyw blentyn sy’n dymuno mynd i ysgol cyfrwng Cymraeg y cyfle i wneud hynny.

“Mae’r galw am addysg cyfrwng Cymraeg yn cynyddu a dylem ni fod yn gwneud popeth yn ein gallu ni i gyflawni targed Llywodraeth Cymru i sicrhau miliwn o siaradwyr Cymraeg erbyn 2050.”

“Rhannu brodyr a chwiorydd”

Dywedodd yr AS fod brodyr a chwiorydd yn eu hetholaeth yn gorfod mynd i ysgolion gwahanol o achos diffyg darpariaeth Gymraeg.

“Bu’n gyfnod arbennig o boenus i rieni a phlant mewn dalgylchoedd lle bu mwy o geisiadau na nifer y lleoedd oedd ar gael a golyga hyn fod brodyr a chwiorydd yn awr yn mynd i ysgolion gwahanol, ac mae athrawon yn teimlo’n rhwystredig wrth orfod gwrthod dysgwyr bach brwdfrydig.

“Rwy’n ymwybodol iawn o’r pwysau cyllid y mae ysgolion ledled Caerdydd yn eu hwynebu ac effaith hyn ar allu ysgolion unigol i gynnig lle i blant.

“Ond os ydym ni am gyflawni targed Llywodraeth Cymru o filiwn o siaradwyr Cymraeg erbyn 2050 yna mae’n rhaid i Gyngor Caerdydd sicrhau’r cyllid angenrheidiol ar gyfer adnoddau digonol i wella’r ddarpariaeth addysgu a dysgu Cymraeg.”

Mae golwg360 wedi gofyn am ymateb gan Gyngor Caerdydd.

Ddechrau’r mis, fe ddywedodd arweinydd y Cyngor, Huw Thomas, bod angen cynyddu nifer yr ysgolion Cymraeg yn y ddinas o 17% i 30%.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl