RSS

Golwg360

MwyCau 

Pencampwr codi pwysau Ewrop yn ennill Gwobr Goffa Llew Rees

Gorffennaf 1, 2017 11:36 Diweddarwyd am 11:37


Chrystal Williams (Llun: International Powerlifting Federation)
Mae Prifysgol Bangor wedi dyfarnu ei gwobr chwaraeon flynyddol, Gwobr Goffa Llew Rees, i bencampwraig codi pwysau Ewrop 2017.

Dyfarnwyd y wobr i Chrystal Williams, 21, o Bolton gan ei bod wedi gwneud y cyfraniad mwyaf i godi proffil chwaraeon Prifysgol Bangor drwy ei llwyddiant personol ar lefel ryngwladol.

Mae Chrystal Williams newydd gwblhau ei hail flwyddyn ar y cwrs Seicoleg gyda Niwroseicoleg, ac mae hi wedi cael blwyddyn hynod o lwyddiannus yn cystadlu mewn cystadlaethau rhanbarthol yng ngogledd orllewin Lloegr.

Mae wedi bod yn cystadlu yn y dosbarth iau dan-84kg am y 18 mis diwethaf, ac mae’n dal pedair record Lloegr a Phrydain.

Daeth yn ail ym Mhencampwriaethau Codi Pwysau Clasurol y Byd yn Belarws ym mis Mehefin 2017, ac ar hyn o bryd mae’n dal y record Ewropeaidd.

Anrhydedd ac uchelgais

“Mae’n anrhydedd ac yn gyflawniad enfawr i gael fy nghydnabod a’m gwobrwyo am y gwaith caled a’r ymroddiad rydw i wedi ei wneud,” meddai Chrystal Williams. “Mae’n golygu fy mod wedi gallu gwthio fy hun i lefel benodol, a byddaf yn gallu parhau i symud ymlaen gyda chymorth gan fy mhrifysgol.

“Mae’r wobr yn golygu llawer oherwydd, yn ogystal â chymorth ariannol i helpu i ariannu offer a chystadlaethau, mae’n dangos imi fod fy mhrifysgol a llawer o rai eraill yn fy annog ac yn gweld fy mhotensial, ac yn barod i’m gwobrwyo.

“Yn y dyfodol rwy’n gobeithio datblygu ymhellach a hyfforddi gan fy mod bellach yn hyfforddwr cymwysedig codi pwysau lefel 1. Hoffwn barhau i gystadlu’n genedlaethol ac yn rhyngwladol i weld pa mor bell y gallaf lwyddo. Mae hyn wedi bod yn brofiad gwych gan ganiatáu imi gwrdd â phobl anhygoel, a theithio o amgylch Prydain a thu hwnt.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.