Prifysgol Aber: gwefan argraffu mewn 11 iaith, ond dim Cymraeg

Diweddarwyd am  


Y fersiwn Almaeneg o wefan Prifysgol Aberystwyth
Mae gwefan argraffu ar-lein Prifysgol Aberystwyth yn cynnig gwasanaeth mewn unarddeg iaith – ond ddim yn y Gymraeg.

Defnyddir y wefan gan fyfyrwyr a staff y Brifysgol i argraffu dogfenni neu roi arian yn eu cyfrif printio.

Mae modd i fyfyrwyr o Sweden, Norwy, Y Weriniaeth Tsiec, Yr Eidal, Ffrainc, Denmarc, Yr Almaen, Monaco a’r Iseldiroedd yn cael pori ar y wefan yn eu hiaith eu hunain.

Mae’r Brifysgol wedi dweud bod am ddarparu cyfieithiad Cymraeg o’r wefan ‘aberprint’, ond nid yw hyn wrth fodd un myfyriwr PhD…

‘Y Brifysgol yn ein trin yn eilradd’

Mae Jeff Smith, Cynghorydd Tref Aberystwyth sydd hefyd yn fyfyriwr PhD yn y Brifysgol, wedi cwyno i Wasanaeth Gwybodaeth y Brifysgol fod blaenoriaeth wedi ei rhoi i 11 o ieithoedd ar draul y Gymraeg. Dywedodd wrth golwg360:

“Mewn Prifysgol sydd yn honni ei bod yn trin y Gymraeg a’r Saesneg yn gyfartal, mae hyn yn enghraifft arall o’r tueddiad i sefydlu rhywbeth newydd yn uniaith Saesneg ac anwybyddu’r Gymraeg – nes i rywun gwyno,” meddai Jeff Smith.

“Mae’r fath oedi yn annerbynniol ac yn dangos diffyg parch tuag at y Gymraeg a’i siaradwyr, ac rwyf, fel sawl myfyriwr arall, yn teimlo bod y Brifysgol yn ein trin ni yn eilradd.”

Ymateb y Brifysgol

Meddai llefarydd: “Mae Prifysgol Aberystwyth yn buddsoddi mewn cyfarpar argraffu newydd er mwyn cynnig gwasanaeth o’r radd flaenaf i fyfyrwyr a staff, a gwasanaeth sydd hefyd yn llawer mwy ynni-effeithlon.

“Mae darparu cyfieithiad Cymraeg o’r rhyngwyneb aberprint yn un o ofynion y prosiect argraffu. Nid yw’r meddalwedd fel y darperir gan Konica Minolta yn cynnwys cyfieithiad Cymraeg felly mae Prifysgol Aberystwyth yn darparu hyn ar gyfer Konica. Mae’r gwaith o ddatblygu’r rhyngwyneb hwnnw yn cael ei wneud ar hyn o bryd gan dîm mewnol ym Mhrifysgol Aberystwyth.”

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones