Canslo taith haf tîm rygbi Cymru

Diweddarwyd am  
Wayne Pivac

Wayne Pivac

Llun: golwg360 / Alun Rhys Chivers

Mae tair gêm brawf Cymru yn Siapan a Seland Newydd, oedd i fod i gael eu cynnal ym mis Mehefin a mis Gorffennaf, wedi cael eu gohirio’n swyddogol ar ôl i Rygbi’r Byd gadarnhau y bydd rheoliadau Covid-19 yn atal holl gemau rhyngwladol yr haf rhag digwydd.

Mewn datganiad dywedodd Rygbi’r Byd:

“Mae cyfyngiadau teithio a cwarantin mewn nifer o wledydd, ynghyd â phryderon am ddigon o amser paratoi i chwaraewyr, yn golygu na all unrhyw fath o gystadleuaeth rygbi rhyngwladol traws-ffiniol gael ei chynnal ym mis Gorffennaf.”

Mae prif hyfforddwr Cymru, Wayne Pivac, wedi mynegi siom ei garfan a chefnogwyr ar draws y tair gwlad, ond mae hefyd yn awyddus i ganolbwyntio ar gynlluniau i aildrefnu’r gemau.

“Roedden ni’n edrych ymlaen yn fawr iawn at chwarae yn Siapan a Seland Newydd yn yr haf felly mae hyn yn siomedig ond yn gwbl ddealladwy o dan yr amgylchiadau, ” meddai Pivac.

“Fe welais y croeso a gafodd y tîm yng Nghwpan y byd yn Siapan, a’r golygfeydd rhyfeddol yn y sesiwn hyfforddi agored, ac rwy’n siŵr y bydd ein perthynas wych gyda rygbi Siapan yn mynd o nerth i nerth yn y dyfodol.

“Ar nodyn personol, roeddwn i’n edrych ymlaen yn arw at ddychwelyd i Seland Newydd gyda Chymru. Mae’n anffodus y bydd yn rhaid inni aros ychydig yn hirach am y fraint honno.”

Dywedodd Undeb Rygbi Cymru ei bod yn gweithio i “gynllunio senario ‘dychwelyd i chwarae’, a hynny gyda’r holl randdeiliaid perthnasol yn y gêm fyd-eang” gan ychwanegu bod hyn yn cynnwys y posibilrwydd o aildrefnu gemau’r haf ar gyfer dyddiad ac amser diweddarach.

“Wrth gwrs, mae pob penderfyniad yn dibynnu’n llwyr ar drefniadau teithio a cwarantin, cyngor iechyd perthnasol ac ystyriaethau pwysig o ran lles chwaraewyr,” meddai datganiad

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn