Drakeford: Byddwn yn gwneud yr hyn sy’n iawn i Gymru

Diweddarwyd  

Mark Drakeford

Llun: Cynulliad Cenedlaethol Cymru CC 2.0

Dywed y Prif Weinidog Mark Drakeford y bydd unrhyw benderfyniadau ar ymbelláu cymdeithasol yn cael eu gwneud ar sail anghenion Cymru ac nid ar beth fydd yn digwydd yn Lloegr.

“Fyddwn ni ddim yn llacio’r mesurau ond pan fydd y dystiolaeth yn dangos ei bod yn ddiogel gwneud hynny,” meddai mewn sesiwn briffio i’r wasg yng Nghaerdydd amser cinio heddiw (Dydd Gwener, 10 Ebrill).

“Fe fyddwn ni’n gwneud y peth iawn i Gymru ar yr adeg sy’n iawn i Gymru, a fyddwn ni ddim yn gwneud hynny wrth edrych dros ein hysgwyddau ar beth mae eraill yn ei wneud.”

Roedd yn rhybuddio y gallai cyfyngiadau cymdeithasol gael eu ‘tynhau’ yng Nghymru, os bydd y canllawiau’n cael eu torri ar raddfa fawr.

“Mae’n rhaid i’r lleiafrif bach sy’n torri’r rheolau gael y neges a chydymffurfio,” meddai.

Fe wnaeth hefyd ymateb i feirniadaeth gan rai o fewn llywodraeth Prydain ar ôl iddo gyhoeddi ymestyniad o’r ‘lockdown’ yng Nghymru ddydd Mercher cyn cyhoeddiad tebyg yn Llundain.

Roedd yn gwadu iddo wneud hynny “er mwyn achub y blaen ar San Steffan”.

Meddai: “Roedd arna’ i eisiau bod yn onest gyda phobl Cymru a ddim eisiau iddyn nhw dreulio’r Pasg yn meddwl eu bod nhw’n nesáu at y diwedd ac y byddai’r cyfyngiadau drosodd yr wythnos nesaf.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn