Ysgol newydd £10m wedi agor yn Y Bala

Diweddarwyd  

Disgyblion blwyddyn 12 a 13 Ysgol Godre’r Berwyn, Y Bala

Yn dilyn buddsoddiad o £10.27 miliwn, mae Ysgol Godre’r Berwyn wedi agor ei drysau yn nhref Y Bala, Gwynedd.

Mae’r buddsoddiad yn rhan gynllun Ysgolion yr 21ain ganrif, ac wedi ei gyd-ariannu gan Lywodraeth Cymru yn ogystal â Chyngor Gwynedd.

Bydd yr ysgol ardal yn darparu addysg i ddisgyblion rhwng tair a phedwar ar bymtheg oed.

Dywed y Cynghorydd Cemlyn Williams, deilydd y portffolio addysg ar Gyngor Gwynedd: “Mae’n wych gweld fod plant yr ardal yn dechrau elwa ar yr adnoddau gwych sydd ar gael yn Ysgol Godre’r Berwyn. Mae yna gryn ddisgwyl ymlaen wedi bod yn ardal Y Bala am y cynllun pwysig yma a’r buddsoddiad sylweddol yn addysg y plant. “

Ac wrth iddi groesawu’r disgyblion ar ddydd Llun (Medi 9), dywedodd Pennaeth yr Ysgol, Bethan Emyr Jones: “Dyma gyfnod cyffrous iawn, ac rydw i’n falch iawn o gael croesawu’r disgyblion i’r ysgol. Fel staff, rydym yn edrych ymlaen at ddarparu addysg o’r safon uchaf bosib i ddisgyblion yr ardal.”

Anghydfod ynglŷn â’r ysgol

Daw hyn wedi cryn dipyn o anghydfod ynglŷn â fyddai’r ysgol yn un Gymunedol yntau yn un Eglwysig.

Ar ddechrau’r flwyddyn lansiwyd ymgyrch i sefydlu’r ysgol fel un gymunedol yn hytrach nag eglwysig gydag 364 o bobl yn arwyddo deiseb yn galw am hynny.

Ar y pryd roedd deiseb yn datgan: “Yn dilyn yr anghydfod diweddar rhwng Cyngor Gwynedd ac Esgobaeth Llanelwy ynglŷn â rhai agweddau cyfreithiol ar ffurf y trefniant i greu ysgol gydol oes Eglwysig yn Y Bala. Galwn ar Gyngor Gwynedd i ddiddymu’r Bartneriaeth gyda’r Eglwys yng Nghymru ac i ail-hyrwyddo’r prosiect fel un ‘cymunedol’, lle na fydd gan yr ysgol newydd unrhyw gysylltiad statudol gydag enwad crefyddol penodol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer