Galw ar seneddau Caerdydd a Llundain i ddod yn ól “ar unwaith”

Diweddarwyd  
Adam Price yn annerch wedi'r etholiad

Adam Price

Llun: Plaid Cymru

Mae Plaid Cymru wedi galw ar i Aelodau Cynulliad ac Aelodau Seneddol ddychwelyd i Fae Caerdydd a San Steffan cyn mis Medi er mwyn trafod Brexit.

Mewn llythyr at Brif Weinidog Cymru, Mark Drakeford, a Phrif Weinidog Prydain, Boris Johnson, mae’r blaid yn dweud bod Brexit heb gytundeb ar Hydref 31 yn “gynyddol debygol”.

Daw’r pryder hwnnw, meddai Adam Price a Liz Saville Roberts, awduron y llythyr, wrth i Boris Johnson ddal ei dir ynghylch cael gwared ar y trefniant ynglŷn â’r ffin yng Ngogledd Iwerddon, trefniant y mae’n ei wrthwynebu.

Mae’r ddau o arweinwyr Plaid Cymru hefyd yn dweud y byddai Brexit heb gytundeb yn arwain at “ganlyniadau andwyol difrïol” i swyddi yng Nghymru, yn ogystal â bygythiad o brinder bwyd a meddyginiaeth.

Mae disgwyl i’r ddwy Senedd – Bae Caerdydd a San Steffan – ddychwelyd ar Fedi 3.

“Argyfwng mwyaf mewn amser heddwch”

“Mae’n hollbwysig galw Senedd San Steffan yn ôl cyn Medi 3 er mwyn rhoi cyfle iddi adfyfyrio’n iawn ar ewyllys democrataidd ei haelodau o ran penderfynu a ddylai’r Deyrnas Gyfunol adael heb gytundeb ar Hydref 31,” meddai’r llythyr.

“Yn sgil hynny, mae’n hanfodol rhoi cyfle i ewyllys democrataidd pobol Cymru, fel y’i cynrychiolir gan y Senedd, i’w fynegi ei hun cyn mis Medi.

“Dyna pam ein bod yn ysgrifennu atoch i ofyn i chi ymuno â ni i alw’r Senedd yn ôl yn syth, i drafod yr hyn sydd, yn ddiamau, yn argyfwng mwyaf mewn amser heddwch y wynebwyd gan Gymru a’r Deyrnas Gyfunol yn y cyfnod modern.”

Llywodraeth Cymru yn dal i “weithio’n galed”

Yn ôl llefarydd ar ran Llywodraeth Cymru, er bod y Cynulliad ar doriad ar hyn o bryd, mae gweinidogion wedi bod yn “gweithio’n galed” yn ystod yr haf er mwyn “helpu atal Brexit heb gytundeb”.

“Rydym wedi parhau i godi ein pryderon yn uniongyrchol gyda Phrif Weinidog Prydain a gweinidogion Llywodraeth Prydain yn ystod toriad yr haf, ac wedi cynyddu ein paratoadau ar gyfer dim cytundeb,” meddai.

“Mater i’r Llywydd yw galw yn ôl y Cynulliad.”

Stryd Downing – ‘dim yn dychwelyd tan Fedi 3’

Mae llefarydd ar ran Stryd Downing wedyn wedi dweud na fydd Tŷ’r Cyffredin yn ailgychwyn nes Medi 3, y dyddiad a bennwyd gan Aelodau Seneddol.

“Mae’r Prif Weinidog wedi dweud yn glir fod y Deyrnas Gyfunol yn gadael yr Undeb Ewropeaidd ar Hydref 31,” meddai.

“Rydym yn ffafrio cytundeb ac fe fyddwn ni’n gweithio’n ddiflino i sicrhau cytundeb newydd a gwell. 

“Fodd bynnag, os na fydd hynny’n bosib, fe fyddwn ni’n gadael heb gytundeb ac mae yna baratoadau sylweddol ar waith i sicrhau y byddwn ni’n barod ar Hydref 31.

“Fe gytunodd Tŷ’r Cyffredin ar ddyddiad toriad yr haf, yn ogystal â’i ddychwelyd ar ddydd Mawrth, Medi 3.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer